Yevropalik avtomobil ishlab chiqaruvchilari ommabop oilaviy modellarning yangi avlodlarida plug-in gibrid (PHEV) tizimini saqlab qolish yoki butunlay voz kechish masalasida yakdil fikrga kela olmayaptilar. Hozirda bozorning yetakchi brendlari oʻrtasida ushbu texnologiya kelajagi boʻyicha jiddiy bahslar ketmoqda. Bu haqda Autocar.co.uk xabar beradi.
PHEV tizimini qoʻllab-quvvatlayotgan tomonlarning argumentlari yetarlicha asosli. Avtomobilni ham elektr motor, ham ichki yonuv dvigateli bilan jihozlash ishlab chiqaruvchilarga oʻziga xos sugʻurta vazifasini oʻtaydi. Bu yondashuv hali toʻliq elektromobilga oʻtishga tayyor boʻlmagan va masofa cheklovidan xavotirda boʻlgan mijozlarni saqlab qolish imkonini beradi.
Biroq, masalaning ikkinchi tomoni ham bor. Faqat elektr quvvati bilan harakatlanuvchi modellarga oʻtish ishlab chiqarish xarajatlarini sezilarli darajada kamaytiradi. Chunki bitta avtomobilda ikki xil murakkab transmissiya va dvigatelni jamlash juda qimmatga tushadi.
Bundan tashqari, Yevropa Ittifoqining 2035-yildan keyin ichki yonuv dvigatellarini taqiqlash boʻyicha rejalari gibrid texnologiyalarning istiqbolini soʻroq ostida qoldirmoqda. Ishlab chiqaruvchilar oʻn yildan soʻng taqiqlanishi mumkin boʻlgan texnologiyaga katta sarmoya kiritish yoki kiritmaslik borasida qatʼiy qaror qabul qilishlari lozim.
“Zamin”ni Telegramʻda oʻqing!
