1 iyundan O‘zbekistondagi ayrim tijorat banklari avtomobil xarid qilish uchun kreditlar ajratayotgani haqida xabar bergan edik.
Bugungi kunda “Asaka” ATB va “Aloqabank” AT banklari avtomobillar uchun kredit ajratmoqda, deb yozadi Qalampir.uz nashri.
“Asaka” AT bankining shartlari quyidagicha:
Jismoniy shaxslar uchun kredit muddati 3 yilgacha. Kreditning foiz stavkasi birinchi to‘lov miqdoriga qarab belgilanadi, ya’ni:
- Ilk to‘lov 35 foizgacha – yillik 18 foiz stavkada;
- Ilk to‘lov 45 foizgacha – yillik 17 foiz stavkada;
- Ilk to‘lov 45 foizdan ortiq bo‘lgan miqdorda – yillik 16 foiz stavkada;
- Ilk to‘lovsiz holatda – yillik 23 foiz stavkada kredit ajratiladi.
Kreditni qoplash davomida 3 oy imtiyozli davr bo‘lib, bu vaqtda faqatgina foiz to‘lovini amalga oshiradi. Keyin asosiy kreditni qoplashni boshlaydi.
Imtiyozli kredit yosh oilalar uchun ham taqdim etiladi. Er va xotinning yoshi 30 dan oshmagan taqdirda, boshlang‘ich to‘lov sifatida avtomobilning 25 foiz qiymati to‘lanadi va yillik 9 foiz stavkada kredit ajratiladi. Yosh oilalar uchun ham kredit to‘lov muddati 3 yilni tashkil qiladi.
“Asaka” bankida avtokredit rasmiylashtirish uchun eng kam oylik ish haqining 0,5 miqdordagi darajasi to‘lanadi. Asosiy qarz miqdori imtiyozli 3 oy muddatdan so‘ng, umumiy muddat hisobiga teng bo‘linadi. O‘z vaqtida to‘lanmagan kredit summasi uchun penya belgilangan.
Avtosalon bilan shartnoma tuzilganda, avtomobil bahosi AQSh dollari hisobida qayd etiladi. Ilk to‘lovni amalga oshirish va kreditni qoplash esa milliy valyutada Markaziy bankning shu kundagi AQSh dollari kursi bo‘yicha to‘lanadi.
“Aloqabank” AT bankining shartlari quyidagicha:
Jismoniy shaxslarga avtokredit ajratish muddati 4 yilgacha. Kreditning foiz stavkasi birinchi to‘lov miqdoriga qarab belgilanadi, ya’ni:
-Ilk to‘lov 30 foizgacha – yillik 16 foiz stavkada;
-Ilk to‘lov 40 foizgacha- yillik 15 foiz stavkada;
-Ilk to‘lov 50 foizdan ortiq bo‘lganda – yillik 14 foiz stavkada kredit ajratiladi.
Bu bankda ilk to‘lovsiz kredit rasmiylashtirish imkoniyati mavjud emas. Shuningdek, yosh oilalar uchun ham imtiyozli kredit shartlari belgilanmagan.
“Aloqabank” bilan avtokredit rasmiylashtirish jarayonida qarzning 0,05 foizi miqdorida bir martalik to‘lov amalga oshiriladi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Sirdaryoda budjetga juda ko‘p miqdorda zarar yetkazgan mayning ferma aniqlandi
Xotirani yaxshilashning juda oddiy usuli topildi
Buxoro viloyatida «Neksiya-3» avtomashinasi buklanib qoldi
Nega Tramp Zelenskiyni yomon ko‘radi?
Davlat xavfsizlik xizmati maklerlarga qo‘shib mansabdorlarni ham qo‘lga oldi
