Piskentdagi avtopoligonda turbodvigatelli Malibu test-drayvdan o‘tkazildi (foto)

Toshkent viloyati Piskent tumanida joylashgan avtopoligonda GM Uzbekistan’da modellar qatorini yangilash borasidagi global strategiyaga muvofiq ishlab chiqarilayotgan turbodvigatelli Malibu avtomobilining yangi avlodi namoyish qilindi va test-drayvdan o‘tkazildi. Bu haqda kompaniya matbuot xizmatiga tayanib Daryo xabar bermoqda.


Hajmi 2,5 litrlik atmosfera dvigateli o‘rnatilgan oddiy Malibu 186 ot kuchiga ega bo‘lsa, hajmi xuddi shuncha bo‘lgan turbo dvigatel 253 ot kuchi quvvatni beradi. Malibu Turbo 100 kilometr masofa uchun 8,5 litr yoqilg‘i sarflaydi. GM Uzbekistan’dan ma’lum qilishlaricha, mazkur yangi avtomobil uchun tavsiya qilingan yoqilg‘i – Ai-95 markali benzin.