«Cobalt», «Gentra» hamda «Spark» maxsus jihozlay boshlandi

^{Foto: UzAuto Motors}
UzAuto Motors kompaniyasi imkoniyati cheklangan, oyoqlarida nuqsoni bo‘lgan haydovchilarga moslashtirish uchun qo‘l bilan boshqariladigan maxsus qurilma bilan qayta jihozlashni boshladi.

«Qo‘lda boshqarish qurilmasi xaridorning buyurtmasiga asosan Cobalt, Gentra hamda Spark rusumli avtomobillarga rasmiy dilerlik markazlarida o‘rnatiladi. Qurilma O‘zbekiston davlat standartlashtirish agentligining barcha talablariga javob beradi.

Tayanch-harakat a’zosi funksiyasi buzilgan haydovchilar uchun mo‘ljallangan maxsus moslama faqat to‘liq qurilmaning zaruriy elementlari bilan jihozlangan», deyiladi UzAuto Motors xabarida.

Uskunani o‘rnatish bo‘yicha savollar bilan vakolatli dilerlarga murojaat qilish mumkin. “Zamin”ni Telegramʻda oʻqing!