Qaysi mashina ikki yillik foydalanishdan so‘ng buzilishni boshlaydi? Qaysi avtomobil 10 yil xizmat qilib beradi? Buni anglash uchun TÜV nemis texnik nazorat assotsiatsiyasi mutaxassislari eng ishonchli va ishonchsiz mashinalarning reytingini tuzdi.
«Forbs» nashrining yozishicha, avtoulovlarning ishonchsizlik reytingi 9 milliondan ortiq foydalanilgan mashinalarni tekshirish natijasida tuzilgan. 4-5 yil va 6-7 yillik mashinalar toifasidagi eng ishonchsiz avtomobil Chevrolet Spark bo‘ldi.
TÜV mutaxassislari Chevrolet Sparkda tormoz tizimi va yurish qismi bilan bog‘liq muammolarga duch keldi. Bundan tashqari, ushbu model dvigatel moyini ko‘p iste’mol qilishi aniqlandi.
Korpusining zanglashga chidamliligi Chevrolet Sparkning yagona afzalligi deb topildi.
Chevrolet Matiz esa 8-9 va 10-11 yillik mashinalar toifasidagi eng ishonchsiz avtomobilga aylandi.
Osma tizimning yaxshi emasligi, tutun chiqaruvchi quvurning zanglab ketishi va moyning ko‘p ishlatilishi... TÜV mutaxassislari bularning barchasini ushbu rusumdagi avtoulovlarni tekshirganda ko‘rdi. 10-11 yoshli avtomobillar toifasida Chevrolet Matiz ishonchliligi bo‘yicha oxirgi o‘rinni Dacia Logan I bilan bo‘lishib oldi.
Ushbu mashinalarni tekshirish paytida mutaxassislar prujina va amortizatorlarning muhim nosozliklarini aniqlay olmadi. Shunga qaramay, boshqa barcha qismlarning holati yuzasidan Dacia Logan I va Chevrolet Matiz reytingning eng quyisidan joy olgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Tadbirkorlarga qo‘llanadigan moliyaviy jarima kamaytiriladi
