Foto: LinkedIn/Herbert Diess
Tesla kompaniyasi rahbari Ilon Mask Braunshveyg aeroportiga kelib, Volkswagen AG direktori Gerbert Diss bilan uchrashdi va ID.3 elektrokarini sinovdan o‘tkazdi, deb xabar beradi Motor.
Maskning ID.3 xetchbekini haydayotgani tasvirlangan videorolik Diss tomonidan o‘zining LinkedIn’dagi sahifasida e’lon qilingan. Video avvalida u amerikalik mehmonini ID.3 — bu ommaviy ishlab chiqariladigan avtomobil va undan Tesla sportkarlari darajasini kutmaslik haqida ogohlantirgan. Bunga javoban Mask xetchbek «oddiy avtomobil uchun yaxshi tezlanish dinamikasini» namoyish etganini ta’kidlagan.
Suhbat davomida Tesla rahbari Dissdan xetchbek yo‘lda o‘zini saqlash tizimi bilan jihozlangan yoki yo‘qligi, shuningdek, akkumulator sig‘imi bilan qiziqqan. Dissning so‘zlariga ko‘ra, ID.3 tizimi «nemis avtomobilsozligi uchun oddiy san’at namunasi» hisoblanadi, shuningdek, nominal batareya sig‘imi 55 dan 83 kilovatt-soatgacha yetadi.
Video ostiga Maskning ushbu tashrifi Tesla va Volkswagen hamkorligiga sabab bo‘lishi va hatto birgalikda yangi model yaratilishi mumkinligi haqida izohlar qoldirilgan. Bunga javoban Diss Tesla bilan hech qanday bitimlar rejalashtirilmayotganini aytgan. «Biz, shunchaki, ID.3’da sayr qildik va gurunglashdik», — deydi u.
Maskning Germaniyaga borishidan asosiy maqsadi — Berlin yaqinida Tesla-Gigafactory 4 zavodidagi qurilish ishlarini ko‘zdan kechirish bo‘lgan. Mazkur zavod 2021 yildan boshlab akkumulator batareyalarini, elektromotorlarni, shuningdek, Tesla Model 3 va Tesla Model Y’ni ishlab chiqarishni boshlaydi.
Eslatib o‘tamiz, may oxirlarida Jay Leno’S Garage shousining yangi qismida boshlovchi Jey Leno Ilon Mask bilan uchrashib, Tesla Cybertruck elektropikapida sayr qilgandi. Ular birgalikda Los-Anjelesda qurilgan yerosti tunneli bo‘ylab harakatlangan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
