13:00 / 23.03.2021
1 404

UzAuto Chevrolet Equinox avtomobillariga shartnoma berish boshlanishini ma’lum qildi

UzAuto Chevrolet Equinox avtomobillariga shartnoma berish boshlanishini ma’lum qildi
Yaqin kunlarda Chevrolet Equinox’ning 2021 yil rusumidagi avtomobillarga shartnoma berish boshlanadi. Bu haqda «O‘zavtosanoat» aksiyadorlik jamiyati matbuot xizmati rahbari Zumrad Shojalilova ma’lum qildi.

Eslatib o‘tamiz, fevral oyi boshida «O‘zavtosanoat» modellar qatorini yangilash strategiyasi sababli Chevrolet Equinox’ning hozirgi avlodi ishlab chiqarilishi to‘xtatilganini ma’lum qilgan edi. Shu bois ushbu modelni yetkazib berish bo‘yicha shartnomalarni olish uchun arizalarni ro‘yxatdan o‘tkazish yopilgandi.

Kompaniya mas’ul xodimining aytishicha, Chevrolet Equinox rusumidagi avtomobillarga shartnomalar aynan qaysi sanadan berilishi hozircha aniq emas.

«Yetkazib berish bilan bog‘liq masalalar ko‘rib chiqilmoqda. Xaridorlar bilan shartnoma tuzish qachondan boshlanishi bir-ikki kunda ma’lum qilinadi», – dedi Zumrad Shojalilova.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Avto » UzAuto Chevrolet Equinox avtomobillariga shartnoma berish boshlanishini ma’lum qildi