O‘zavtomotors avtomobillari uchun kontraktatsiya qaytadan ochilgandan keyin o‘tgan davrda kuzatuvlar shuni qayd etmoqdaki, tijorat banklarida avtokredit mahsulotlariga buyurtmalar tobora kamayib, susayib bormoqda, — deb yozadi bankiroff kanali.
Izohlanishicha, avtokreditga talabning pasayib borayotgani mavsumiy omillar yoki foizlar bilan bog‘liq emas. Masalan, mart va yanvar oyida avtokreditlar bo‘yicha o‘rtacha tortilgan stavkalar va takliflar deyarli o‘zgarishsiz qolgan (fevral oyi kontraktatsiya deyarli yopiq bo‘lgan). Lekin yanvarga nisbatan mart oyida avtokreditlarga buyurtmalar sezilarli darajada kamaygan.
Qayd etilishicha, talab kamayishining sababi shartnomalarda avtomashinalarni yetkazib berish bilan bog‘liq muddatlarga taaluqli. Xabaringiz bor, mart oyidan boshlab, O‘zavtomotors avtomashinalari uchun 3, 6 va hatto 9 oygacha muddatlarda yetkazib berish shartlarida shartnomalar tuzilmoqda.
«Potensial qarzdorlar shuncha muddat davomida, avtomashinani qo‘lga kiritmay turib, avtokreditlar bo‘yicha to‘lovlarni amalga oshirishni o‘zlari uchun ma’qul deb bilmayotgani tushunarli albatta.
Tijorat banklari bunday vaziyatda qanday choralarni ko‘rishni boshlaydi, hozircha bir narsa deyish qiyin. Uzunroq pullarga ega kamsonli banklar balki avtomashina yetkazib berish muddatiga mutanosib ravishda imtiyozli davr belgilash choralariga o‘tishlari ham mumkin. Ko‘pchilik banklar esa daromadli operatsiyalardan voz kechmaslik uchun ikkilamchi bozordan avtomashinalar xarid qilish uchun avtokreditlarni yo‘lga qo‘yishlari yoki bunday mahsulotlar taklifini faollashtirishlarini kutish mumkin bo‘ladi.
Ikkilamchi bozordan avtokreditlarning faollashuvi O‘zavtomotorsning O‘zbekistondagi yagona raqobatchisi bo‘lgan eski avtomashinalar narxlarini oshishiga va albatta monopoliyatning sotuvlari hajmi kamayib borishiga turtki bo‘lishi tabiiy», — deya xulosa yasaydi mutaxassis. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Timur Kapadze Yaponiyaga qarshi kechadigan final uchrashuvi oldidan nimalar dedi?
Osiyo kubogi final uchrashuvi: Bugun “oq bo‘rilar” yapon “samuraylari”ga qarshi maydonga tushadi
Shavkat Mirziyoyev: Jahonda investorlar uchun mislsiz kurash ketyapti
Turkiya Kurdiston ishchi partiyasiga aloqador 43 nafar terrorchini yo‘q qildi
Taniqli aktyor va rejissyor Mashrab Kimsanov 69 yoshida vafot etdi
Kanchelskis O‘zbekiston va Qozog‘iston futbolini taqqosladi: "Ular juda oldinlab ketishgan"
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi