Foto: Davlat statistika qo‘mitasi
«Farg‘ona» kichik iqtisodiy zonasida elektromobillar yig‘ishni yo‘lga qo‘yish rejalashtirilmoqda. Bu haqda Prezident raisligida 27 aprel kuni erkin iqtisodiy zonalar va kichik sanoat zonalarida amalga oshirilayotgan investitsiya loyihalari muhokamasi yuzasidan o‘tkazilgan yig‘ilishda ma’lum qilindi, deb xabar beradi «Gazeta.uz».
Rejaga ko‘ra, loyihani amalga oshirish bilan Central Asia Ceramic kompaniyasi (keramik mahsulotlar ishlab chiqaruvchi) shug‘ullanadi. Qiymati 520 milliard so‘mga baholangan ob’ektni 2021 yilning noyabrida foydalanishga topshirish rejalashtirilgan. Ishlab chiqarish quvvati yiliga 30 mingtani tashkil etadi, ishchilar o‘rni — 350 ta.
2019 yilning sentabrida Prezident Farg‘ona viloyatidagi «Qo‘qon» erkin iqtisodiy zonasiga tashrif buyurgan edi. O‘shanda «Shaffof omadli sanoat» xususiy korxonasi 2021 yildan boshlab Xitoyning Silk Road Company kompaniyasi bilan hamkorlikda elektromobillar ishlab chiqarishni boshlashi ma’lum qilingandi. Elektromobillar narxi 3000 dollarga baholangan. Biroq hozirga qadar loyiha haqida hech qanday ma’lumot berilmagan.
Eslatib o‘tamiz, 2020 yilda O‘zbekiston 2,9 million dollarlik 131 dona, 2021 yilning dastlabki 3 oyida 91 dona elektromobil import qilgan.
Ta’kidlash kerakki, O‘zbekistonda elektromobillar importi uchun imtiyozlar amalda — ular uchun boj va aksiz solig‘i to‘lanmaydi. Faqatgina tegishli yig‘imlar va QQS to‘lanadi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Ispaniya va Argentina o‘rtasida diplomatik mojaro yuzaga keldi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi