1 885
Yarimo‘tkazgichlar yetishmovchiligi sabab Cobalt avtomobillari o‘rindiqni isitish modulisiz sotiladi
Foto: UzAuto Motors
UzAuto Motors 4-pozitsiya Chevrolet Cobalt avtomobillarini o‘rindiqni isitish modulisiz taklif etmoqda. Bunga sabab – mikrochiplarning global tanqisligi. To‘lovni amalga oshirgan mijozlarga 1 mln so‘m qaytarib beriladi.
Tayyor holdagi yuzlab 4-pozitsiya Chevrolet Cobalt avtomobillari UzAuto Motors avtoturargohida yangi egalarini kutmoqda. Muammo shundaki, birgina detal – yarimo‘tkazgichlar yo‘qligi sabab bu avtomobillarda o‘rindiqni isitish moduli ishlamaydi.
Kompaniyaning ma’lum qilishicha, yuzaga kelgan vaziyatdan kelib chiqib, yaqin orada 4-pozitsiya Chevrolet Cobalt'ni kutayotgan mijozlarga avtomobilni isitish o‘rindig‘i modulisiz taklif etiladi. Ushbu komplektatsiya 1 mln so‘mni tashkil etadi va bu summa avtomobilning umumiy narxidan olib tashlanadi.
“Avtomobilda konditsioner va pechka ishlashini ta’minlovchi isitish va sovutish tizim regulyatori (HVAC kontroller) o‘zgarishsiz ishlaydi. O‘rindiqni isitish tugmasi ishlamaydi.
Xaridorning roziligi bilan amalga oshiriluvchi ushbu majburiy choraning qo‘llanilishi uzoq kutilgan avtomobillarni yaqin orada o‘z egalariga yetkazilishini ta’minlaydi”, – deyiladi UzAuto Motors axborotida. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Istanbuldagi 1 may namoyishlarida 140 dan ortiq kishi hibsga olindi
Abbosbek Fayzullayev ham Osiyo kubogi finalida o‘ynamaydi
Timur Kapadze Yaponiyaga qarshi kechgan finaldan so‘ng nimalar dedi?
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Ukraina Qrimga ATACMS raketalari bilan hujum qildi
Nyu-York politsiyasi Falastin tarafdori bo‘lib namoyish o‘tkazgan 282 talabani hibsga oldi