UzAuto Motors Equinox 2022 narxlarini ma’lum qildi

^{Foto: UzAuto Motors}
UzAuto Motors yangi Chevrolet Equinox MY2022 narxlarini e’lon qildi. Qayd etilishicha, yangi gibrid tizimiga ega Chevrolet Equinox 2022 yumshoq gibrid start-stop tizimi bilan ishlaydi. Ushbu avtomobillarda oddiy starter o‘rniga kuchli quvvatli motor-generator o‘rnatilgan. U sekinlashganda elektr energiyasini ishlab chiqarib, yuqori quvvatli akkumulatorni zaryadlaydi.

Ichki yonish dvigateli oddiy generatorni aylantirish uchun kamroq energiya sarflaydi yoki umuman sarflamaydi. Yangi gibrid tizimi aynan elektromobilning elektr rejimida ishlay olmasa ham, u shunga o‘xshash gibrid bo‘lmagan versiyalarga nisbatan shaharda ham, magistralda ham yoqilg‘i samaradorligini oshirishni ta’minlaydi. Aynan ushbu tizim sababli yoqilg‘i sarfi sezilarli darajada kamayadi va 100 kilometr uchun 7,01 litrni tashkil qiladi.

Narxlar:
- 1.5T LS FWD komplektatsiya: 250 732 510 so‘m;
- 2.0T 1LT FWD MH komplektatsiya: 338 260 870 so‘m;
- 2.0T 1LT AWD MH komplektatsiya: 365 217 391 so‘m;
- 2.0T 3LT AWD MH komplektatsiya: 391 304 348 so‘m.

Kompaniya xabarida narxlar QQSsiz ko‘rsatilgan. UzAutoSavdo tizimida esa QQS bilan qo‘shib hisoblaganda 2.0T 1LT FWD MH komplektatsiya 389 000 000 so‘mdan, 2.0T 1LT AWD MH komplektatsiya esa 420 000 000 so‘mdan va 2.0T 3LT AWD MH komplektatsiya esa 450 000 000 so‘mdan boshlanishi qayd etilgan, boshlang‘ich 1.5T LS FWD komplektatsiyaning QQS bilan narxlari keltirilmagan. Mamlakatda joriy etilgan 15 foiz QQS bilan hisoblaganda ushbu komplektatsiyani narxi 288 342 386 so‘mni tashkil etmoqda.

Boshlang‘ich 1.5T LS FWD komplektatsiyadagi avtomobilni sotib olish istagida bo‘lgan xaridorlar kompaniyaning rasmiy dilerlarida ariza qoldirishi yoki rasmiy sayti «[email protected]» orqali onlayn tarzda ariza yuborishi mumkin. To‘plangan arizalarning soniga qarab kompaniya ushbu avtomobilning yetkazilib berilishini ta’minlaydi. “Zamin” yangiliklarini “Youtube”da kuzatib boring