2022 yilning 1 martidan boshlab identifikatsiya ID-kartasi bo‘lgan haydovchidan transportni boshqarish va ro‘yxatdan o‘tkazganlik, ishonchnoma hamda sug‘urta to‘g‘risidagi hujjatlarni o‘zi bilan olib yurish talab qilinmaydi.
Raqamlashtirish tufayli davlat yo‘l xavfsizligi xizmati xodimlari mazkur hujjatlarni maxsus planshet qurilmasi yordamida identifikatsiya ID-kartasi orqali tekshirishadi.
Bu bilan haydovchilarimiz endi transportni boshqarish va ro‘yxatdan o‘tkazganlikka oid hujjatlar, ishonchnoma hamda sug‘urtani rasmiylashtirish bekor bo‘libdi, degan fikrga borishmasin. Ular albatta rasmiylashtirilishi shart. Faqat jarayon avtomatlashtirilganligi hisobiga mazkur hujjatlarni identifikatsiya ID-kartasi bor haydovchilar o‘zlari bilan olib yurmasligi javobgarlikka sabab bo‘lmaydi.
Shuningdek, haydovchilarga transport vositasini boshqarish vaqtida uyali aloqaning xavfsiz va qo‘lni band qilmaydigan texnik vositalaridan (quloqchin, bluetooth) foydalanishga ruxsat beriladi.
Transport vositasini boshqarish paytida salonning old qismiga o‘rnatilgan monitordan teledastur va videodasturlarni tomosha qilishga qo‘yilgan taqiq saqlab qolingan holda, monitorni o‘rnatganlik uchun javobgarlik ham bekor qilinadi.
Shuni inobatga olib, 2022 yilning 1 fevraliga qadar sug‘urta shartnomalari to‘g‘risidagi ma’lumotlar ham yagona axborot tizimiga to‘liq kiritiladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
AQSH Isroilning ikki vaziriga sanksiya qo‘llamoqchi
Borrel YEIning Isroil bilan muloqotini to‘xtatishni taklif qildi
Rossiya armiyasi Kupyanskka kirgani aytilmoqda
Erdo‘g‘on Turkiya Isroil bilan aloqalarini uzganini ma’lum qildi
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
Yaxshi pishgan va mazali anor tanlashga yordam beradigan tavsiyalar
