Foto: «EADaily»
Rossiya mudofaa vaziri Sergey Shoygu va AQSH mudofaa vaziri Lloyd Ostin bugun, 13 may kuni telefonda muloqot o‘tkazishdi.
Ular so‘nggi marotaba 18 fevralda, Rossiya Ukrainaga qo‘shin kiritishidan avval, muloqot qilishgan.
«Xalqaro xavfsizlikning muhim masalalari, xususan, Ukrainadagi vaziyat muhokama qilindi. Suhbat Amerika tomonining tashabbusi bilan tashkil etildi», — deb xabar berdi RF mudofaa vazirligi matbuot xizmati.
Pentagon manbalari ham ikki vazirning telefon suhbati o‘tkazilganini tasdiqladi. Ta’kidlanishicha, Ostin «Ukrainada o‘t ochishni zudlik bilan to‘xtatishga chaqirib, aloqani uzmaslik muhimligini aytgan».
AQSH-Rossiya mudofaa vazirlari so‘nggi marotaba muloqot qilgan 18 fevralda Pentagon rahbari rossiyalik hamkasbidan Ukraina chegaralari bo‘ylab joylashtirilgan Rossiya qo‘shinini doimiy dislokatsiya joyiga qaytarishni so‘ragandi.
Ukrainada harbiy inqiroz boshlanganidan beri har ikki harbiy vazir o‘zaro bayonotlar qilishgan. Shoygu 19 aprel kuni Qo‘shma Shtatlar va uning izmidagi G‘arb mamlakatlari «maxsus harbiy operatsiyani maksimal cho‘zish»ga urinayotganini ta’kidlagandi.
Pentagon rahbari esa Rossiyaning yadroviy aslahalari AQSH uchun hozir va kelgusida jiddiy muammo bo‘lib qolishini aytgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
AQSH Isroilning ikki vaziriga sanksiya qo‘llamoqchi
Rossiya armiyasi Kupyanskka kirgani aytilmoqda
NATO bosh kotibi Ukrainaning frontdagi ahvoli yomonlashganini tan oldi
AQSH harbiylari orasida o‘z joniga qasd qilish ko‘paydi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Erdo‘g‘on Turkiya Isroil bilan aloqalarini uzganini ma’lum qildi
