Toliblar afg‘on oilalarini uylaridan quvib chiqaryapti

Afg‘onistonning Bag‘lan viloyatida «Tolibon» harakati vakillari 27 ta oilani Andaroyu vodiysidagi Anamak, Bog‘dor, Taganak va Puli Xisor qishloqlaridan majburan quvib chiqargan.

Mahalliy nashrlar xabariga ko‘ra, toliblar faqat kiyim va ozroq ovqat olishga ruxsat berishgan. Ularning aytishicha, bu oilalar 9 ta shimoliy viloyatda yashashga haqli emaslar. Ular boshqa viloyatlarga surgun qilinmoqda.

Bag‘landagi mahalliy toliblar hozircha bu holatga izoh berishmagan. Xabarlarga qaraganda, ular toliblarga qarshi chiqqanlarni ana shunday badarg‘a qilmoqda. “Zamin”ni Telegramʻda oʻqing!