Turkiya sayyohlar uchun PZR-testini bekor qildi

1 daqiqa o'qish995
Turkiya sayyohlar uchun PZR-testini bekor qildi
1 iyundan boshlab Turkiyaga kirish uchun sayyohlardan PZR-testi yoki tezkor antigen testining salbiy natijalarini ko‘rsatish talab etilmaydi, deb yozmoqda TRT Haber telekanali.

OAV ma’lumotlariga ko‘ra, Turkiya Ichki ishlar vazirligi 81 viloyat hokimiyatiga «Mamlakatga kirish chora-tadbirlari to‘g‘risida»gi hujjatni yuborgan.

Hujjatga ko‘ra, 1 iyundan boshlab Turkiyaga istalgan chegara punktlari (quruqlik, havo, dengiz va temir yo‘l) orqali kirishda tashrifdan maksimal 72 soat oldin o‘tkazilgan PZR-testining manfiy hisobotini yoki maksimal 48 soat ichida olingan antigen testining salbiy natijasini taqdim etish shart bo‘lmaydi.

So‘nggi paytlarda Turkiyada COVID-19 bilan kasallanishning kamaygani, shuningdek, pandemiyaning aholi salomatligiga tahdidi pasaygani mamlakatga kirishda qo‘yiladigan talablarni yengillashtirish imkonini berdi.

30 may kuni Turkiyada niqob taqish majburiyati bekor qilingandi. «Niqoblar endi majburiy emas, shifoxonalarda taqish bundan mustasno. Lekin o‘tgan shuncha tajribadan so‘ng, odam gavjum yopiq joylarda, ayniqsa jamoat transportida foydalanish uchun o‘zimiz bilan niqob olib yurishimiz mumkin», — dedi Turkiya sog‘liqni saqlash vaziri Fahriddin Koja.

Eslatib o‘tamiz, Italiya ham mamlakatga kirish uchun barcha antikovid cheklovlarini bekor qilgandi, Ispaniya esa emlanmagan sayyohlarning mamlakat hududiga kirishiga ruxsat bergan. Avvalroq yana to‘qqizta davlat, jumladan, Isroil, Indoneziya, Marokash, Avstriya, Vyetnam, Malayziya, Tayland, Armaniston, Qirg‘iziston PZR-testining salbiy natijasini taqdim etish tartibini bekor qilib, kirish talablarini yengillashtirgan edi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?