Zelenskiy Ukrainaga boshqa aviatsiya yetkazmalari olib kelinmasligini ma’lum qildi

^{Foto: Global Look Press}
Ukraina aviatsiya yetkazmalari kelishini kutmayapti, lekin havodan himoya tizimlariga ega bo‘lishga umid bog‘lagan, asosiy maqsad havo chegaralarini himoya qilish, deya bayonot bergan Vladimir Zelenskiy Irlandiya bosh vaziri Mixol Martin Kiyevga kelganida o‘tkazilgan brifingda.

«Bu eng asosiy maqsadlardan. Hech kim aviatsiya qurollarini kutmayapti, lekin biz Ukrainaga hozirgacha kuchli havodan himoya qurollari kelgani va yetib kelishiga umid bog‘laganmiz», — degan Zelenskiy («Interfaks-Ukraina» iqtibosi).

Shuningdek, uning qo‘shimcha qilishicha, Ukraina hamkorlari allaqachon Kiyevga qanday tizimlar kerakligi va qancha qurol zarurligi haqida ma’lumotga ega bo‘lgan. Ukraina davlat rahbarining so‘zlariga ko‘ra, bu kabi tizimlarni olish shaharlarni havo hujumlaridan himoyalashga xizmat qiladi va mamlakatdagi qochoqlarning hududlarga qaytishini ta’minlaydi.

Rossiya Mudofaa vazirligi ma’lumotlari bo‘yicha 6 iyul holatiga Ukrainada maxsus operatsiya boshlanganidan beri Kiyevga tegishli 232 ta samolyot va 137 ta vertolyot yo‘q qilingan, oxirgi bir sutkada 3 ta uchar ob’ekt urib tushirilgan.

Iyun oyida bir nechta mamlakat Ukrainaga yangi qurollar yetkazib berilishini e’lon qilgan: AQSH HIMARS (Kiyev allaqachon qo‘lga kiritganini bildirgan) raketa tizimlari va Harpoon kema raketasidan himoya raketalari, Fransiya bronetransportyorlardan bir nechta, Germaniya uchta Mars II raketa tizimlari, Norvegiya 22 ta o‘zi yuradigan gaubitsalar, Slovakiya esa 8 dona Zuzana gaubitsalari taqdim etgan.

3 iyulda Slovakiya bosh vaziri Eduard Xeger Chexiyaning CT telekanalida Bratislavaning Kiyevga MiG-29 qiruvchi samolyotlarini berishga tayyorligi, ammo Praga mamlakatga AQSHdan F-16 qiruvchi samolyotlari yetib kelguniga qadar osmondagi xavfsizlikni ta’minlab turishda ko‘mak berishi zarurligini qayd etgan.

Kreml vakillari esa g‘arbdan qurol-yarog‘ yetkazib berilayotganiga qaramay, Ukrainadagi operatsiyadan ko‘zlangan maqsadga erishilishi, mamlakat esa o‘ziga yetkazib berilayotgan qurollar tufayli bundan ham yomon azoblanishini ta’kidlagan. “Zamin” yangiliklarini “Odnoklassniki”da kuzatib boring