Ukraina mudofaa vaziri Rossiyaga HIMARS raketalari bilan hujum qilinmasligini aytdi

^{Foto: Getty Images}
Ukraina G‘arb tomonidan berilgan yuqori aniqlikdagi qurollardan Rossiya hududidagi ob’ektlarga zarba berishda foydalanmaslik majburiyatini olgan, dedi Ukraina mudofaa vaziri Aleksey Reznikov.

Reznikovning so‘zlariga ko‘ra, u Pentagon rahbariga yo‘llagan maktubida Amerika qurolidan dushmanni «tutib turish» va Ukraina hududini «deokkupatsiya qilish» uchun foydalanishga va’da bergan.

AQSH iyun boshlarida Ukrainaga HIMARS yalpi o‘t ochish tizimlari taqdim etilishini bildirgandi. Shundan so‘ng Ukraina prezidenti ofisi bu quroldan Rossiyadagi ob’ektlarga zarba berishda foydalanish rejalashtirilmaganini ta’kidladi.

Rossiya xavfsizlik kengashi raisi o‘rinbosari Dmitriy Medvedev agar AQSH qurollaridan Rossiya hududiga qarshi foydalaniladigan bo‘lsa, Moskva qaror qabul qilish markazlarini «ular hattoki Kiyev hududida joylashmagan bo‘lsa ham yo‘q qilishi» haqida ogohlantirgandi.

11 iyul kuni Ukrainaning Herson oblasti Kahovskiy rayoni harbiy-fuqarolik ma’muriyati Ukraina qurolli kuchlari HIMARS yalpi o‘t ochish tizimlari yordamida selitra omboriga raketa zarbasi berganini ma’lum qildi. 13 iyul kuni “LXR”dagilar ukrain harbiylari Luganskka HIMARS tizimlaridan foydalanib to‘qqizta raketa otganini xabar qildi.

Reznikovning ta’kidlashicha, harbiy harakatlarni yil oxirigacha yakunlash real ssenariy bo‘lib, buning uchun G‘arb mamlakatlari Kiyevga yordam berish va Moskvaga sanksiyaviy bosim o‘tkazishni davom ettirishi lozim. “Zamin” yangiliklarini “Odnoklassniki”da kuzatib boring