Iroqda namoyishchilar parlament binosiga bostirib kirdi

^{Foto: shafaq.com}
Bir guruh norozilik namoyishchilari Bag‘doddagi «yashil hudud»da joylashgan Iroq parlamenti binosiga bostirib kirdi. Bu haqda Shafaq agentligi xabar berdi.

«Yashil hudud» Iroq poytaxtining qo‘riqlanadigan qismi bo‘lib, bu yerda hukumat binolari, xalqaro aeroport va harbiy aerodrom joylashgan.

Namoyishchilar parlamentga hujum qilish orqali mamlakat bosh vaziri lavozimiga Muhammad as-Sudaniyning nomzodi qo‘yilishiga norozilik bildirdi.

Iroqda 2021 yil oktabrdan buyon siyosiy inqiroz davom etmoqda. Mamlakat parlamenti qariyb bir yildan buyon hukumat tarkibini shakllantira olmayapti. “Zamin”ni Telegramʻda oʻqing!