«Uzoq o‘tirib qoldim»: Ramzan Qodirov lavozimdan ketish haqida gapirdi

Checheniston Respublikasi rahbari Ramzan Qodirov videomurojaat yo‘llab, rahbarlik ketish vaqti kelganini aytdi.

«Men lavozimda juda uzoq o‘tirganimni payqadim. O‘ylaymanki, men uzoq ta’tilga to‘liq loyiqman», — deya o‘z videosiga izoh berdi u Telegram-kanalida.

Janob Qodirov o‘z bayonoti davomida chechen maqolini misol qilib keltirdi. «Kavkazda shunday gap borki, mehmon qancha kutilgan bo‘lmasin, o‘z vaqtida jo‘nab ketsa yaxshi bo‘ladi», — dedi u iste’foga shama qilib.

Qodirov 2017 yil noyabr va 2016 yil fevral oylarida ham xuddi shunday bayonotlar bilan chiqqan edi.

Ramzan Qodirov Chechenistonni 16 yildan beri boshqarib keladi, u bu lavozimga 2007 yilda kelgan. Hozirda Rossiyada mintaqa rahbarlarining vakolat muddatiga hech qanday cheklovlar yo‘q. “Zamin”ni Telegramʻda oʻqing!