AQSH uchirgan samoviy jism asteroid bilan to‘qnashib ketdi

Amerikaning DART zondi (Double Asteroid Redirection Test) Dimorf asteroidi bilan to‘qnashib ketdi. Bu haqda NASA xabar bermoqda.

To‘qnashuv rejalashtirilgan bo‘lgan. U Yerni potensial xavfli kosmik ob’ektlardan himoya qilishning birinchi turini sinab ko‘rish uchun mo‘ljallangan.

To‘g‘ridan-to‘g‘ri translyatsiya AQSH Milliy aeronavtika va koinot boshqarmasi saytida o‘tkazildi.

To‘qnashuv AQSHning Sharqiy qirg‘og‘i vaqti bilan 19:15 da sodir bo‘lgan.

Zond tezligi soatiga 24 ming km ga yetgan. DARTning o‘zi 2021 yil noyabr oyida Kaliforniyadagi Vandenberg kosmik kuchlari bazasidan uchirilgandi. “Zamin”ni Telegramʻda oʻqing!