Rim papasi Putin va Zelenskiyga murojaat yo‘lladi

^{Foto: «RBK»}
Rim papasi Fransisk Rossiya va Ukraina prezidentlari Vladimir Putin va Vladimir Zelenskiyga urushga chek qo‘yishni so‘rab murojaat qildi, deya xabar beradi «RIA Novosti».

- "Mening murojaatim birinchi navbatda Rossiya Federatsiyasi prezidentiga qaratilgan, men undan bu zo‘ravonlik va o‘limni barcha, jumladan, o‘z xalqi uchun ham to‘xtatishni so‘rayman.

Boshqa tomondan, Ukraina xalqiga qilingan tajovuz natijasida og‘ir azob-uqubat chekkanidan chuqur qayg‘urgan holda, Ukraina prezidentiga tinchlik bo‘yicha jiddiy takliflarga ochiq bo‘lishni so‘rab murojaat qilaman", - dedi Rim papasi Fransisk. “Zamin”ni Telegramʻda oʻqing!