17:43 / 06.10.2022

Urushning 224-kuni: Ukraina kuchlari frontda olg‘a siljimoqda, Bahmut mudofaaga tayyorlanmoqda (foto)

5 oktabr kuni Vladimir Putin Ukraina hududlarini anneksiya qilish haqidagi qonunlarni imzoladi. Shuningdek, u Zaporoje AES ob’ektlarini «federal mulkka o‘tkazish» to‘g‘risida ko‘rsatma berdi va konstitutsiyaga «anneksiya qilingan hududlarni Rossiyaga qabul qilish» bo‘yicha o‘zgartirishlar kiritdi.

Ukraina prezidenti Vladimir Zelenskiy Xerson viloyatida yana sakkizta aholi punkti ozod etilganini ma’lum qildi. Mintaqadagi okkupatsion hokimiyat vakillari Rossiya qo‘shinlari «kuch yig‘ish va zarba berish uchun qayta to‘planayotganini» aytdi. Rossiyada safarbarlikdan qochish bo‘yicha birinchi jinoiy ish qo‘zg‘atildi. Meduza urushning 224-kuniga oid asosiy fotosuratlarni jamladi.

Ozod etilgan Limandagi hayot

^{Liman yaqinidagi Drobishovo qishlog‘ida 75 yoshli Galina Zeykova vayron bo‘lgan binoga qaramoqda. Donetsk viloyatidagi ushbu shahar va uning atrofidagi qishloqlar Rossiya kuchlaridan ozod qilingani haqida 2 oktabr kuni ma’lum bo‘ldi. Rus qo‘shinlari Limanni 2022 yilning yozi boshida qo‘lga kiritgandi.
Foto: Anadolu}

^{Limanda oziq-ovqat va dori uchun navbat.
Foto: AFP}

^{Vayron qilingan maktabdagi xona.
Foto: Anadolu}

^{Ukrainalik askar maktab vayronalari orasida.
Foto: AP Photo}

^{Ukrainalik ko‘ngillilar vayron qilingan Rossiya harbiy texnikasi yonidan o‘tmoqda. 5 oktabr kuni The Wall Street Journal nashrida chiqqan maqolada aytilishicha, Rossiya armiyasi Ukraina Qurolli kuchlariga butun urush davomida G‘arb davlatlarining Ukrainaga yetkazib bergan qurollaridan ko‘ra ko‘proq og‘ir qurollar tashlab ketgan.
Foto: EPA}

^{Ukraina politsiyasi xodimi yem zavodiga keltirib tashlangan ishdan chiqqan rus jangovar mashinalari yonidan o‘tmoqda.
Foto: AFP}

^{Shahar yaqinidagi o‘rmonda yotgan rus askarining jasadi.
Foto: Anadolu}
Belaya Serkov shahriga berilgan Rossiya zarbalarining oqibatlari

^{Kiyev viloyatining Belaya Serkov shahri aholisi vakili rus kamikadze-dronlari tomonidan vayron qilingan bino yonida o‘tiribdi. Ukraina rasmiylarining ma’lum qilishicha, ruslar Eronning Shahed-136 dronlaridan foydalanmoqda.
Foto: Reuters}

^{Belaya Serkvada vayronaga aylangan binoni devor tuynugidan tomosha qilayotgan kishi. Rossiya qo‘shinlari 5 oktabrga o‘tar kechasi shaharga dronlar bilan hujum qildi. Bir kishi yaralandi.
Foto: Reuters}
Ukraina qo‘shinlari Bahmutni mudofaaga tayyorlamoqda

^{Shahar markazidan o‘tuvchi Bahmutovka daryosi ustidagi vayron bo‘lgan ko‘prik. Rus qo‘shinlari Bahmutni egallashga anchadan beri urinmoqda va hozirgi vaqtda rus armiyasi faqat shu yo‘nalishda sezilarli yutuqlarga erishmoqda. Bahmut janubidagi Kodema qishlog‘i yaqinida Vagner yollanma jangchilari harakatlanayotgani ham ma’lum.
Foto: Anadolu}

^{Shahar markazidagi tankka qarshi to‘siqlar.
Foto: Anadolu}

^{Markaziy ko‘chalardan biri.
Foto: Anadolu}

^{Ukrainalik harbiylar shahar yaqinidagi pozitsiyasida.
Foto: Reuters}
Ukraina qurolli kuchlarining janubiy frontdagi pozitsiyalari

^{35 yoshli ukrainalik askar Nikolayev viloyatidagi front chizig‘ida og‘ir pulemyotini sozlamoqda. Mahalliy hokimiyat vakillariga ko‘ra, Rossiya armiyasi bu hududni muntazam ravishda o‘qqa tutmoqda. So‘nggi zarbalar 4 oktabr kuni Bereznegovatoye qishlog‘iga berilgan, qurbonlar yo‘q.
Foto: AFP}

^{Ukraina askari front chizig‘ida o‘z pozitsiyasini dushman ko‘zidan pana qilmoqda.
Foto: AFP}

^{Ukraina Qurolli kuchlari askari pozitsiyasida patrullik qilmoqda.
Foto: AFP}
Severskiy Dones daryosidan o‘tish

^{Yuriy Shapovalov (o‘rtada) qayig‘iga oziq-ovqat yuklamoqda. Har kuni u Xarkov viloyatining Stariy Saltov qishlog‘i aholisiga Severskiy Donetsidan o‘tishga yordam beradi. Daryo ustidagi ko‘prik janglar paytida vayron qilingan.
Foto: AP Photo}

^{Yuriy Shapovalov yaralangan ukrainalik askarni Stariy Saltovdagi daryodan o‘tkazib qo‘ymoqda. Xarkovdan 45 kilometr sharqda joylashgan qishloq may oyi boshida ozod qilingan edi.
Foto: AP Photo}