00:23 / 24.10.2022

Ukrainadagi urushning 241-kuni: Janglar ketayotgan Baxmut, zulmatda qolgan Mikolayiv (foto)

Ukraina hukumati mamlakat g‘arbidagi energetika ob’ektlariga rossiyaliklarning raketa hujumlari ro‘y berganini ma’lum qildi. Uning ko‘lami 10-12 oktabr kunlari qilingan hujum oqibatlariga «teng yoki undan ortiqroq». Qariyb bir yarim million kishi elektr ta’minotidan uzilgan.

23 oktabrga o‘tar kechasi rossiyalik harbiylar yana bir bor Mikolayiv va Zaporijjyani o‘qqa tutishgan. «Mediazona» va BBC rus xizmatiga ko‘ra, Ukrainadagi urush boshidan buyon 7822 nafar rossiyalik harbiy xizmatchi o‘limi nomma-nom tasdiqlangan. So‘nggi bir oyda safarbar qilinganlardan kamida 41 nafari halok bo‘lgan.

Quyida 23 oktabr, urushning 241-kunida Ukrainaning turli hududlarida olingan suratlar.

Baxmutdagi janglar

^{Rossiyaliklar Baxmutni o‘qqa tutishi oqibatida ko‘tarilgan tutun ustuni. Oktabr oyida Ukraina va Rossiya kuchlari parallel yurishlarini davom ettirmoqda. «Vagner» xususiy harbiy kompaniyasi otryadlari Baxmutning janub va sharqidagi hududlarga yorib kirgan, bu vaqtda Ukraina qurolli kuchlari ham Xarkiv va Luhansk oblastlari chegarasida ilgarilamoqda
LIBKOS / AP / Scanpix / LETA}

^{Ukrainlarning Su-25 qiruvchi samolyoti Baxmut atrofida raketa hujumidan himoyalanmoqda
LIBKOS / AP / Scanpix / LETA}

^{Baxmut yaqinida o‘ziyurar artilleriya qurilmasini boshqarayotgan ukrainalik harbiy xizmatchi
LIBKOS / AP / Scanpix / LETA}

^{Ukrainalik harbiy Baxmut yaqinida o‘ziyurar artilleriya qurilmasidan o‘t ochmoqda
LIBKOS / AP / Scanpix / LETA}
Xarkiv oblastida tibbiy yordam ko‘rsatilishi

^{Harbiy vrach Natalya Lelyux yaqinda Ukraina tomonidan ozod etilgan Sinichino qishlog‘iga dori-darmon yetkazib bermoqda. Sinichino 2022 yil sentyabrida Ukraina armiyasining qarshi hujumi natijasida qaytarib olingan Izyum yaqinida joylashgan
Carl Court / Getty Images}

^{Vrach Natalya Lelyux Xarkiv oblastining Kamenka qishlog‘ida mahalliy aholi vakillaridan birini ko‘rikdan o‘tkazish arafasida. Kamenka ham Izyum atrofidagi qishloqlardan biri.
Carl Court / Getty Images}

^{Sinichino qishlog‘ida yashovchilardan biri tibbiy brigada tashrifi vaqtida
Carl Court / Getty Images}

^{Sinichinoda yashovchi kasalmand kishi armiya tibbiy xodimlari brigadasidan yordam olmoqda
Carl Court / Getty Images}

^{Harbiy vrach Natalya Lelyux va Jahon sog‘liqni saqlash tashkiloti shifokori Tatyana Timoshenko Kamenki qishlog‘i aholisi bilan suhbatda
Carl Court / Getty Images}

^{Sinichino qishlog‘ida yashovchi ayol armiya tibbiy xodimlariga minnatdorchilik bildirmoqda.
Carl Court / Getty Images}
Mikolayivda otishmalardan keyingi hayot

^{Mikolayivda yashovchi Tatyana Goncharova Rossiya tomonidan shu kunlarda shaharga berilgan aviazarba oqibatida shikastlangan kvartirasi oldida. Mikolayiv o‘qqa tutilishi davom etmoqda
Valentyn Ogirenko / Reuters / Scanpix / LETA}

^{Mikolayvlik kishi oynalari to‘kilib ketgan balkonda mix qoqmoqda. Region tinimsiz zarbalarga duchor bo‘lmoqda — 23 oktabrga o‘tar kechasi Mikolayiv oblastiga Shahed-136 tipidagi kamikadze dronlar hujum qilgan.
Valentyn Ogirenko / Reuters / Scanpix / LETA}

^{Mikolayivlik ayollar ichimlik suvi olib qaytmoqda. Shaharni suv bilan ta’minlovchi magistral quvur urush boshidayoq shikastlangan.
Valentyn Ogirenko / Reuters / Scanpix / LETA}

^{Bolalar bog‘chasi xodimi o‘choqda ovqat qilmoqda. Rossiya tomonidan tinimsiz zarbalar tufayli shahar elektr ta’minotidan uzilgan
Valentyn Ogirenko / Reuters / Scanpix / LETA}

^{Shahar raketa zarbalari tufayli elektrsiz qolgan sharoitda World Central Kitchen jamoat tashkiloti ko‘ngillilari Mikolayivdagi shifoxonalar bemorlari va mahalliy aholi uchun taom tayyorlamoqda.
Valentyn Ogirenko / Reuters / Scanpix / LETA}