Buyuk Britaniya iqtisodiyoti tanazzulga yuz tutdi

^{Foto: Bloomberg}
Oktabr oyida Buyuk Britaniya iqtisodiyoti yuqori energiya narxlari, foiz stavkalari va siyosiy beqarorlik tufayli retsessiya yuz berdi. Bu haqda Financial Times xabar bermoqda.

S&P ma’lumotlariga ko‘ra, Buyuk Britaniyaning ishbilarmonlik faolligi indeksi oktabr oyida bir oy avvalgiga nisbatan ikki pog‘onaga tushib, 47,1 punktni tashkil etdi. Bu «deyarli ikki yillik davr» uchun eng past ko‘rsatkich bo‘ldi.

Kompaniya ekspertlari indeksning bunday keskin pasayishiga Buyuk Britaniyadagi «siyosiy beqarorlik» sabab bo‘lganini ko‘rsatmoqda, bu esa moliya bozoridagi notinchlikka olib keldi.

- Birlashgan Qirollikdagi ishbilarmonlik faolligi indeksi ketma-ket uchinchi oy 50 punktdan past, bu esa retsessiya haqida gapirishga imkon beradi, — deb ta’kidlaydi S&P tahlilchilari.

Ularning hisob-kitoblariga ko‘ra, Buyuk Britaniya yalpi ichki mahsulotining pasayishi uchinchi chorakda sodir bo‘ladi, to‘rtinchi chorakda esa iqtisodiyotdagi salbiy tendensiyalar faqat kuchayadi.

2022 yilda G‘arb mamlakatlarida energiya narxlarining tez o‘sishi natijasida yuzaga kelgan inflyatsiyaning rekord darajasi qayd etiladi.

G‘arbda energetika resurslarining taqchilligi Rossiyaga qarshi sanksiyalar joriy etilgandan so‘ng, jumladan, Rossiyadan bir qator yoqilg‘ilarni yetkazib berish taqiqlanganidan keyin yomonlashdi. “Zamin” yangiliklarini “Telegram”da kuzatib boring