Rossiya Ukrainaga urush boshlanganidan buyon qancha raketa uchirgani hisoblandi

^{Foto: Twitter}
Rossiya harbiylari 9 oyi davomida Ukrainaga 16 000 dan ortiq raketa zarbalari berdi. Bu haqda mudofaa vaziri Aleksey Reznikov Twitter'dagi sahifasida ma’lum qildi.

Raketalarning 12 mingtasi shahar atrofi va qishloq joylariga kelib tushgan, bu harbiy obyektlarning nishonga olinishiga nisbatan 24 barobar ko‘pdir. Vazir Rossiya nishonlarining 97 foizi fuqarolik obyektlariga qaratilganini qayd etgan. Jumladan, quyidagi obyektlar nishonga olingan:

- shahar atrofi va qishloq joylari 12 mingdan ortiq;
- turar-joy binolari 1 900 marta;
- harbiy obyektlar 500 dan ortiq;
- transport infratuzilmasi obyektlari 250 dan ortiq;
- energiya infratuzilmasi obyektlari taxminan 220 marta;
- boshqa obyektlar esa 800 marta nishonga olingan.

«Biz terrorchi davlatga qarshi kurashyapmiz. Ukraina g‘alaba qozonadi va harbiy jinoyatchilarni javobgarlikka tortadi», — deb yozadi Reznikov tvitida.

The Guardian nashri 26 noyabr kuni e’lon qilgan maqolasida Rossiyaning raketa zarbalari oqibatida yadroviy falokat yuzaga kelishi haqida ogohlantirgandi. “Zamin” yangiliklarini “Telegram”da kuzatib boring