Jan-Klod Van Damm Ukrainaga kelib, mamlakat harbiylari bilan uchrashdi (video)

Amerikalik aktyor Jan-Klod Van Damm Ukraina Qurolli kuchlari askarlari bilan uchrashdi. Ijtimoiy tarmoqlarda uning Ukrainani qoʻllab-quvvatlagani ask etgan video tarqaldi.

Videoda Gollivud yulduzining Ukraina himoyachilari qurshovida «Ukrainaga shon-sharaf!» deb hayqirayotganini koʻrish mumkin. Xabarlarga koʻra, video Ukrainaning Karpatorti viloyatidan olingan.

OAV yozishicha, aktyorni avvalroq Ujgorodda koʻrishgan, biroq uning oʻzi Ukrainaga tashrifini e'lon qilmagan.

9 noyabr kuni amerikalik aktyor Shon Penn keng koʻlamli urush boshlanganidan beri Kievga uchinchi bor kelib, Vladimir Zelenskiy bilan uchrashgan va unga oʻzining «Oskar»ini topshirgan edi — karerasi davomida Penn ikkita oltin haykalcha olgan — «Sirli daryo» va «Xarvi Milk» filmlaridagi rollari uchun. Aktyor sovgʻani Ukraina gʻalabasiga umid va ishonch ramzi deb atagan. Bunga javoban Zelenskiy oʻzi filmlarda suratga tushgan paytlar «Oskar» uning orzusi boʻlganini aytgan, shuningdek, Ukraina xalqini qoʻllab-quvvatlagani uchun Penni «Buyuk xizmatlari uchun» ordeni bilan taqdirlagan. “Zamin” yangiliklarini “Telegram”da kuzatib boring