Shimoliy Koreya yetakchisi Kim Chen In yadroviy taktik qurollarni ommaviy ishlab chiqarishga chaqirdi.
Bu haqda Reuters agentligi Koreya markaziy telegraf agentligiga tayanib xabar bermoqda.
Agentlik ma’lumotlariga ko‘ra, Shimoliy Koreya yetakchisi jangovar yadro kallaklari sonini ko‘paytirishga chaqirgan.
Jumladan, Kim Chen In yadroviy qarshi hujum uchun ballistik raketa yaratishni buyurdi. Shuningdek, u 600 mm kalibrli bir nechta raketa tizimlari (MLRS) yaratilishini e’lon qildi.
Bunda butun Janubiy Koreya hududiga zarba berish imkoni paydo bo‘ladi, deyiladi agentlik xabarida.
Bundan tashqari u Pxenyan imkon qadar tezroq harbiy sun’iy yo‘ldoshni uchirmoqchiligini ma’lum qilgan. Kim Chen In, shuningdek, Shimoliy Koreyaning yangi raketalari taktik yadro qurolini olib yurishga qodirligini aytgan.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
