Foto: Reuters
Ko‘pchiligimizga maktabda quyosh sharqdan chiqib, g‘arbga botishi haqida o‘rgatishgan. Sayyoramiz kutilmagan hodisalarga to‘la va unda g‘alati hodisalar tez-tez sodir bo‘ladi. Ana shunday hodisalardan biri Yer yuzida quyosh botmaydigan hududlarning mavjudligidir. Bu hududlarda quyosh sutkasiga 20-24 soat porlab turadi.
Xammerfest va Shpitsbergen, Norvegiya
Norvegiya yarim tunda quyosh botadigan mamlakatdir. Shimoliy qutb doirasida joylashgan bu mamlakat o‘zining go‘zal manzarasi va yorqin quyoshi bilan mashhur. Norvegiyaning eng shimoliy shahri bo‘lmish Hammerfest YUNESKOning Butunjahon merosi obyekti ro‘yxatidan ham joy olgan. Hammerfestda quyosh tungi 00:43 da botadi va 40 daqiqadan keyin yana porlay boshlaydi.
Norvegiyaning yana bir mintaqasi – Shpitsbergenda 10 apreldan 23 avgustgacha quyosh uzluksiz porlab turadi.
Islandiya
Bu mamlakat o‘zining shimoliy shu’lalari bilan mashhur. Bu esa mamlakatda quyosh botishi yo‘qligini aniq ko‘rsatadi. Islandiya Buyuk Britaniyadan keyin Yevropada ikkinchi o‘rinda turuvchi eng katta orol va bu yerda chivinlar umuman yo‘q.
Foto: Reuters
Chivinsiz tunni xushlovchilar uchun Islandiya haqiqiy zavqdir. Ammo iyun oyida bu yerda quyosh umuman botmagani uchun bu orolda tun bo‘lmaydi. Arktik doiradagi Grimsi oroli va Akureyri shahri yarim tunda quyoshni ko‘rish uchun eng yaxshi joylardan ikkitasidir.
Yukon, Kanada
Bu hududda yilning katta qismi qor bilan qoplangan bo‘ladi. Biroq yozda mamlakatning shimoli-g‘arbiy qismida quyosh 50 kun umuman botmaydi. Kanadadagi Yukon o‘zining go‘zal osmoni va yozda cheksiz yorug‘ligi tufayli yarim tungi quyosh mamlakati sifatida tanilgan.
Foto: AFP
Bu hududda yovvoyi gullar va turli xil ko‘chmanchi qush turlari yanada go‘zal muhit yaratadi.
Kaanaak, Grenlandiya
650 nafardan kam aholiga ega bu shahar Grenlandiyaning eng shimolida joylashgan. Arktika doirasining shimoliy qutbida joylashgani uchun shaharda qish qorong‘i va sovuq. Ammo apreldan avgustgacha bu yerda yarim tunda ham quyosh porlab turgan bo‘ladi.
Foto: Fotolia
Qorong‘i muhitni yaratish uchun qalin pardalardan foydalanish talab etiladi. Kechalar shunchalar go‘zalki, hech bir inson ularni ta’riflay olmaydi.
Kiruna, Shvetsiya
Shvetsiyaning 19 000 kishilik aholiga ega eng shimoliy shahrida quyosh yiliga 100 kundan ortiq vaqt davomida umuman botmaydi. Quyoshsiz davr har yili maydan avgustgacha davom etadi va tashrif buyurish uchun eng tig‘iz vaqt hisoblanadi.
Foto: Fotolia
Mintaqadagi yana bir diqqatga sazovor joy - Art Nouveau Kiruna cherkovi, u dunyodagi har qanday cherkovning eng ta’sirchan me’moriy shakllaridan biriga ega.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
