09:43 / 13.01.2023

Berbok Putinni g‘allani qurol sifatida ishlatishda aybladi

^{Foto: AP}
Rossiyaning Ukrainaga qarshi agressiyasi butun dunyoda oziq-ovqat inqirozini yanada kuchaytirdi, dedi Annalena Berbok. U Putinni oziq-ovqatdan qurol sifatida foydalanganlikda aybladi.

Germaniya va Fransiya Efiopiyaga Rossiyaning Ukrainaga qarshi qurolli tajovuzkorligi fonida kuchaygan oziq-ovqat inqiroziga qarshi kurashda ko‘proq yordam berishga va’da berdi. «Rossiya prezidenti Vladimir Putin dondan, oziq-ovqatdan qurol sifatida foydalandi. Bu butun dunyo bo‘ylab oziq-ovqat bilan bog‘liq vaziyatni murakkablashtirmoqda, shuning uchun biz Rossiyaning shafqatsiz bosqinchilik urushiga nafaqat Ukraina bilan javob berishimiz, balki o‘zimizning insonparvarlik yordami, butun dunyo bo‘ylab oziq-ovqat yordamimizni sezilarli darajada kengaytirish bilan ham javob berishimiz muhim», dedi Germaniya tashqi ishlar vaziri Annalena Berbok 12 yanvar, payshanba kuni Adanadagi BMT Jahon oziq-ovqat dasturi bazasiga tashrifi chog‘ida.

Efiopiyada ayni damda kuchli qurg‘oqchilik kuzatilmoqda. Bu mamlakat Ukraina va Rossiyadan g‘alla va o‘g‘it yetkazib berishga juda bog‘liq. Birlashgan millatlar tashkilotining hisob-kitoblariga ko‘ra, Efiopiyada 22 millionga yaqin odam to‘yib ovqat yemaydi. Shu munosabat bilan Berbok oziq-ovqatdan foydalanish inson huquqi ekanligini ta’kidladi. «U Ukrainadagi harbiy nishon sifatida hujumga duchor bo‘lishi mumkin emas. Mojaro zonalaridagi gumanitar yuklar ham Efiopiyada ham, dunyoning boshqa joylarida ham nishonga aylanmasligi kerak», - dedi vazir.

Germaniya BMTning Jahon oziq-ovqat dasturini qo‘llab-quvvatlashni 1,7 milliard yevroga oshirdi. Berbokka hamrohlik qilgan Fransiya tashqi ishlar vaziri Katrin Kolonna «Efiopiyadagi qurg‘oqchilikdan aziyat chekayotgan odamlar Ukrainada sodir bo‘layotgan voqealarda aybdor emas, shuning uchun ularga yordam berish insoniy burch» ekanligini ta’kidladi.

Annalena Berbok hujumga uchragan Ukrainaning o‘zi Efiopiyaga g‘alla berib, «Efiopiya xalqi ham Rossiya bosqinchilik urushi qurboniga aylanmasligiga» yordam qilyapti. Dekabr oyi oxirida Ukrainadan Jibutiga 25 ming tonna bug‘doy yetkazildi, endi bu bug‘doy muhtojlarga taqsimlanadi.