Serbiya prezidenti Qrim va Donbass kimnikiligini aytdi

^{Foto: Bloomberg}
Serbiya prezidenti Aleksandr Vuchich Ukrainadagi vaziyat bo‘yicha o‘z mamlakatining pozitsiyasini ochiqladi.

«Biz uchun Qrim bu — Ukraina, Donbass bu — Ukraina va shunday bo‘lib qoladi», — dedi Serbiya prezidenti Bloomberg nashriga bergan intervyusida.

«Biz boshidayoq RFning Ukrainaga hujumini qo‘llay olmasligimiz va qo‘llamasligimizni aytganmiz», — qo‘shimcha qildi Vuchich.

Ukrainadagi nizoni oqlamasa-da, Serbiya Rossiya bilan hamkorlikni davom ettirayotgan Yevropadagi sanoqli mamlakatlardan biri bo‘lib qolmoqda. “Zamin”ni Telegramʻda oʻqing!