Foto: Ukraina prezidenti ofisi
Ukraina prezidenti Volodimir Zelenskiy kechki videomurojaatida Ukraina jamoalari, hududlari va infratuzilmasini rivojlantirish vaziri o‘rinbosari Vasiliy Lozinskiyning asbob-uskunalar sotib olish bo‘yicha shartnomalar uchun pora olganlikda gumon qilinib ushlanishi va ishdan bo‘shatilishiga izoh berdi.
«Men bu xatti-harakat adolat tamoyiliga zid bo‘lgan har bir kishi uchun bizning signalimiz bo‘lishini istayman. Albatta, hozir asosiy e’tibor mudofaa masalasiga qaratilgan, bu tashqi siyosat masalasi, bu urush masalasi. Bu men ular jamiyatda turli darajadagi - markazda ham, mintaqalarda ham nima deyayotganini ko‘rmayapman va eshitmayapman, deganini anglatmaydi», dedi Zelenskiy.
Uning so‘zlariga ko‘ra, kelgusi hafta «tegishli qarorlar vaqti bo‘ladi».
«Qarorlar allaqachon tayyorlangan. Men ularni hozir e’lon qilmoqchi emasman, lekin bularning barchasi adolatli bo‘ladi», dedi prezident va «maxsus xizmatlar Ukraina, mustaqillik va ukrain xalqiga nisbatan harakatlari uchun hech bo‘lmaganda jazo choralariga loyiq bo‘lgan odamlarga qarshi ishda muvaffaqiyatga erishmoqda», deb qo‘shimcha qildi.
«Javob qadamlari ham qo‘yiladi», — deya qo‘shimcha qildi Zelenskiy.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
