Foto: Pexels
Korrupsiyaning oldini olish maqsadida Qozog‘istonda «B» korpusi uchun davlat xizmatchilarini ishga olishni kompyuter dasturiga topshirish rejalashtirilmoqda. Bu haqda Qozog‘iston davlat xizmatlari agentligi raisi Azamat Jolmanov brifingda ma’lum qildi.
«B» korpusi uchun davlat xizmatchilarini tanlashni avtomatlashgan tizimga topshirish masalasini ko‘rib chiqyapmiz. Qarorni tanlov komissiyasi emas, balki tizimning o‘zi, tanlovning barcha bosqichlarida to‘plangan ballar asosida, chiqaradi. Barcha nomzodlarni to‘liq avtomatlashtirish va anonimlashtirish orqali korrupsiyani minimallashtiramiz. Qatnashchilarga tasodifiy ID belgilanadi, — dedi Jolmanov.
Uning aytishicha, «B» korpusi davlat xizmatchilari (administratsiya davlat xizmatchilari) tayinlanishga qadar tanlovning bir nechta bosqichlaridan o‘tkaziladi. Bular — qonunchilik bo‘yicha bilimni aniqlovchi test, shaxsiy sifatlar, ish soatlari aks etgan raqamli va verbal axborot. So‘nggi bosqich — suhbat, yakuniy qarorni tanlov komissiyasi chiqaradi.
Kelgusida davlat xizmatchilarini ishga olishdan tanlov komissiyasini butunlay chetlatish rejalashtirilgan, deyiladi xabarda.
“Zamin” yangiliklarini “Telegram”da kuzatib boring
