Rossiya mudofaa vaziri Sergey Shoyguning kuyovi Aleksey Stolyarovga jurnalist Yuriy Dudning urushga qarshi posti yoqdi. Ommaviy axborot vositalari bunga e’tibor qaratganidan so‘ng, Stolyarov bu post unga yoqqanini inkor qila boshladi.
Aytilishicha, Stolyarovning «layk»i Dudning instagramdagi Rossiyaning Ukrainaga bostirib kirishi yilligiga bag‘ishlangan posti ostida paydo bo‘lgan. Ko‘p o‘tmay, Dudning posti ostidagi «layk» yo‘qoldi, Stolyarovning o‘zi instagramda layk bosmaganini aytgan. «O‘zingizni fotoshop bilan manipulyatsiya qilishlariga yo‘l qo‘ymang...» deb yozgan u.
Shu bilan birga, Rossiyaning ayrim nashrlari Stolyarovga avvalroq Dudning instagramdagi yana ikkita postini yoqtirganini aniqladi.
“Vagner” XHK asoschisi Yevgeniy Prigojin ham Stolyarovning “layk”lariga e’tibor qaratgan. «Stolyarovni ushlab, menga olib kelishlari kerak. Men uni olti hafta davomida o‘qitaman ... uni jangovar harakatlarga jo‘natib, uni yaxshilashga yordam beraman», degan Prigojin.
Prigojin so‘nggi haftalarda muntazam ravishda Mudofaa vazirligi va uning rahbariyatini, shu jumladan shaxsan Shoyguni tanqid qilib keladi.
“Zamin” yangiliklarini “Youtube”da kuzatib boring
