Foto: Ukraina TIV
Ukraina Rossiya prezidenti Vladimir Putinning qishki harakatlarini yengdi va bu uning keng ko‘lamli bosqin paytidagi beshinchi yirik mag‘lubiyati bo‘ldi, deb ma’lum qildi Ukraina tashqi ishlar vaziri Dmitriy Kuleba.
«Tariximizdagi eng og‘ir qishga dosh berdik. Sovuq va qorong‘i edi, lekin biz qat’iy edik. Biz bilan birga sheriklar o‘z yordami bilan yonma-yon turishdi. YEI ham g‘alaba qozondi, u ham Moskvaning kulgisiga qaramay, Rossiya gazisiz muzlab qolmadi», deb yozdi u Facebook'da bahorning birinchi kuni.
Kulebaning so‘zlariga ko‘ra, Rossiya Federatsiyasining birinchi mag‘lubiyati ukrainaliklar orasida Rossiya hujumining birinchi daqiqalaridan qo‘rquv bo‘lmagani edi, ikkinchisi - Rossiya blitskrigining muvaffaqiyatsizligi.
«Biz Rossiya Federatsiyasiga diplomatik jabhada uchinchi mag‘lubiyatni keltirdik: Ukraina uchun jahon koalitsiyasi, rezolyutsiyalar, izolyatsiya, qurol oqimi, sanksiyalar, Ukrainaga energiya, moliyaviy va gumanitar yordam», - deya tushuntirdi Kuleba.
To‘rtinchi mag‘lubiyatni u Moskva tomonidan qo‘lga kiritilgan ko‘plab Ukraina hududlarini yo‘qotish deb atadi.
«Yakuniy g‘alaba sari hali qiyin yo‘l bor. Lekin biz qanday g‘alaba qozonishni bilamiz. Buning uchun har kuni harakat qilishimiz va Ukrainaga ishonishimiz kerak», - deya qo‘shimcha qildi Ukraina TIV rahbari.
“Zamin” yangiliklarini “Telegram”da kuzatib boring
