Prezident Rajab Toyyib Erdogʻan kuni kecha Baykar shirkatiga tashrif buyurgani paytida tushgan surati keng muhokamalarga sabab boʻldi. Gap shundaki, Turkiya rahbari oʻzining kuyoviga tegishli shirkat salonida Bayraktar Qizilolma (Bayraktar KIZILELMA) uchuvchisiz parvoz apparati oldida suratga tushgan boʻlib, orqa fonda koʻzga tashlanib turgan Bayraktar TB3 droni koʻpchilikning e'tiborini tortdi. Shundan soʻng, shirkat Oʻzdemir Bayraktar nomli Milliy Texnologiya Markazi salonida turgan Bayraktar TB3 droni haqida izoh berishga majbur boʻldi.
Baykar shirkatining matbuot xizmati bergan ma'lumotga koʻra, mazkur dron - Bayraktar TB3 uchuvchisiz parvoz apparati 27 apreldan 1 maygacha Istanbul shahridagi Otaturk aeroportida boʻlib oʻtadigan TEKNOFEST 2023 sanoat festivalida birinchi marta ommaga namoyish etiladi.
Baykar shirkati boshqaruv kengashi raisi Selchuk Bayraktar va Baykar bosh direktori Haluk Bayraktar Prezident Erdogʻanning tashrifi chogʻida amalga oshirilgan milliy loyihalarning soʻnggi holati haqida ma'lumot berdi.
2022 yil 30 avgustda TEKNOFEST Qoradengizda birinchi marta omma oldida paydo boʻlgan Turkiyaning birinchi uchuvchisiz parvoz apparati "Bayraktar Qizilolma" (Bayraktar KIZILELMA) 14 dekabrda ilk parvozini amalga oshirgandi.
Milliy va dastlab Baykar tomonidan ishlab chiqilgan Bayraktar TB3 buklanadigan qanoti tufayli qisqa uchish-qoʻnish yoʻlagi kemalaridan koʻtarilish va qoʻnish qobiliyatiga ega dunyodagi birinchi dron boʻladi.
Bayraktar TB3 dronining imkoniyatlari ham ushbu sinfdagi uchuvchisiz havo vositalari uchun muhim yangilik boʻladi.
Koʻrish masofasidan tashqarida ham aloqa oʻrnatish qobiliyatiga ega Bayraktar TB3ni juda uzoq masofalardan boshqarish mumkin boʻladi. Shuningdek, ushbu dron razvedka-kuzatuv, razvedka va hujum qilish vazifalarini bajarib, Turkiyaning mudofaa kuchiga ijobiy ta'sir koʻrsatadi.
Faoliyati boshidan beri barcha loyihalarini oʻz moliyaviy manbalari hisobiga amalga oshirgan Baykar shirkati barcha daromadlarining 75 foizini eksportdan oldi.
Turkiya eksportchilar assambleyasi ma'lumotlariga koʻra, kompaniya 2021 yilda mudofaa va aerokosmik sanoatining eksport etakchisiga aylandi.
2022 yilda imzolangan shartnomalarda eksport darajasi 99,3 foizni tashkil etgan Baykar 1,18 milliard dollarlik eksport qildi. Mudofaa va aerokosmik sanoatining eng yirik eksportchisi boʻlgan Baykar 2022 yildagi aylanma mablagʻi 1,4 milliard dollarga teng boʻldi.
“Zamin” yangiliklarini “Telegram”da kuzatib boring
