![Rossiyada amerikalik jurnalist josuslikda ayblanib qo‘lga olindi](/uploads/posts/2023-03/xcf397939_resizedscaled_1020to573.jpg.pagespeed.ic.RCQqtPVAIt.jpg)
Foto: “Vkontakte”
Rossiya Federal xavfsizlik xizmati Yekaterinburgda AQSH fuqarosi, The Wall Street Journal muxbiri Evan Gershkovichning josuslikda gumon qilinib hibsga olingani haqida xabar berdi, deb yozmoqda Meduza'ga tayangan holda Daryo nashri.
FXX ma’lumotlariga ko‘ra, Gershkovich “Amerika tomonining ko‘rsatmasi bo‘yicha harakat qilib, Rossiya harbiy-sanoat majmuasi korxonalaridan birining faoliyati to‘g‘risida davlat siri hisoblangan ma’lumotlarni yiqqan. Jurnalist "maxfiy ma’lumot olishga urinayotganda" qo‘lga olingan”, — deyiladi xizmat xabarida.
Unga nisbatan ayg‘oqchilik bo‘yicha jinoiy ish qo‘zg‘atilgan. Bu modda 20 yilgacha qamoqni nazarda tutadi.
Dastlab Gershkovich Yekaterinburg shahrida bedarak yo‘qolgani haqida xabar berilgandi. Shaharda jurnalistga hamrohlik qilgan mahalliy piarchi Yaroslav Shirshikovning so‘zlariga ko‘ra, Gershkovich Yekaterinburgga “Vagner” xususiy harbiy kompaniyasi va “maxsus operatsiya” haqida material yozish uchun kelgan.
“U mana shunday katta ekspeditsiya uchun kelgandi. Uni qiziqtirgan eng muhim narsa "Vagner" guruhi va umuman "maxsus operatsiya"ga bo‘lgan munosabat edi. Immigratsiya boshqarmasi bizga Yekaterinburgda kim bilan gaplashish kerakligini aytdi. Nega Yekaterinburg? Chunki ("Vagner" asoschisi Yevgeniy) Prigojin bir necha marta Yekaterinburg rahbariyatini maxsus operatsiyani buzishda ayblagan va u yerdan uni haydab yuborishgan. Evan hech qayerda (safari haqida) ommaga ochiq yozmagan, men uni turli ma’ruzachilarning chiqishida sahna ortiga olib bordim, provokatsiyadan qochishga muvaffaq bo‘ldim. Umuman olganda safardan uning ko‘ngli to‘lgandi”, — dedi Shirshikov.
29 mart kuni tushdan keyin Ural ommaviy axborot vositalarida Yekaterinburgda xavfsizlik kuchlari bir erkakni hibsga olgani haqida xabarlar paydo bo‘ldi. Shirshikov hibsga olingan shaxs Gershkovich ekanini taxmin qildi.
Sverdlovsk viloyati gubernatori ma’muriyatining norasmiy Telegram-kanalida ham Gershkovich haqida shunday post qo‘yildi: “Kecha Wall Street Journal jurnalisti Evan Gershkovich haqiqatan ham Yekaterinburgda hibsga olingan. Vaziyat juda jiddiy”.
Evan Gershkovich qariyb olti yildan beri Rossiyada yashaydi va Amerikaning The Wall Street Journal gazetasining Moskvadagi byurosida ishlaydi. Jurnalist Rossiya Tashqi ishlar vazirligi tomonidan akkreditatsiyadan o‘tgan. Greshkovich avval Agence France-Presse, The Moscow Times va The New York Times gazetalarida ishlagan. Gershkovichning oxirgi maqolasi 28 mart kuni The Wall Street Journal nashrida chop etilgan.
Rossiya, Amerikalik jurnalist, Josuslik, Evan Gershkovich “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![«Adashmaydigan prognozchi» AQSH prezidentligi saylovida kim yutishini aytdi расм](/uploads/posts/2024-07/x9a28c7f3e0_920__95_3136414761.webp.pagespeed.ic.7E_rMVyGaS.webp)
«Adashmaydigan prognozchi» AQSH prezidentligi saylovida kim yutishini aytdi
![Abbos Fayzullayev: "Olimpiadaga hech kim mag‘lubiyatga uchraymiz yoki guruhda qolib ketamiz degan maqsadda kelmaydi" расм](/uploads/posts/2024-07/x20a03a2364_797650_680.webp.pagespeed.ic.TvmYL4mUk2.webp)
Abbos Fayzullayev: "Olimpiadaga hech kim mag‘lubiyatga uchraymiz yoki guruhda qolib ketamiz degan maqsadda kelmaydi"
![Parij-2024. Bugun ishtirok etadigan sportchilarimiz bilan tanishing расм](/uploads/posts/2024-07/x636c790f4d_483f5c4aec5c7a2c661f9e96c86a221d.webp.pagespeed.ic.ttKj8HDIRW.webp)
Parij-2024. Bugun ishtirok etadigan sportchilarimiz bilan tanishing
![Shri-Lanka hukumati musulmonlardan uzr so‘radi расм](/uploads/posts/2024-07/xf110907f68_920__95_3554928668.webp.pagespeed.ic.drjStLlOyc.webp)
Shri-Lanka hukumati musulmonlardan uzr so‘radi
![Erdo‘g‘anning Isroilga tahdidi qanchalik jiddiy? расм](/uploads/posts/2024-07/xc218c4acb5_xzzvw6lf7hlo0t1crik-ral0nir9wbyi_medium.webp.pagespeed.ic.0AAxOELwGG.webp)
Erdo‘g‘anning Isroilga tahdidi qanchalik jiddiy?
![«Hizbulloh» Isroilning 3 harbiy bazasiga hujum qilganini bildirdi расм](/uploads/posts/2024-07/x74bc1868a8_ucltw2uzkemnlvoa1ykpprn4xgd5rqmg.webp.pagespeed.ic.NkxlFgYb74.webp)
«Hizbulloh» Isroilning 3 harbiy bazasiga hujum qilganini bildirdi
![Turkiya TIV: Netanyaxuning hayoti o‘z joniga qasd qilgan Gitlerniki kabi tugaydi расм](/uploads/posts/2024-07/xaa37fac0eb_photo_2024-07-29_13-00-02-nuz0dhgj.webp.pagespeed.ic.6o00GivtZV.webp)
Turkiya TIV: Netanyaxuning hayoti o‘z joniga qasd qilgan Gitlerniki kabi tugaydi
![Isroil mudofaa vaziri havo hujumidan mudofaa kuchlarini “barcha variantlarga tayyor turishga” chaqirdi расм](/uploads/posts/2024-07/x6a8a2ce335_galant8-olipsqgh.webp.pagespeed.ic.i6XwjWQgkS.webp)
Isroil mudofaa vaziri havo hujumidan mudofaa kuchlarini “barcha variantlarga tayyor turishga” chaqirdi