Rossiya prezidenti Vladimir Putin kecha, 17 aprel kuni Dnepr qo‘shinlari guruhining Xerson yo‘nalishidagi qarorgohiga tashrif buyurdi. Bu haqda Kreml saytida xabar berilgan.
Davlat rahbari shtabda Havo-desant qo‘shinlari qo‘mondoni, general-polkovnik Mixail Teplinskiy, Dnepr kuchlari guruhi qo‘mondoni, general-polkovnik Oleg Makarevich, shuningdek, boshqa harbiy rahbarlarning hisobotlarini tinglagan.
Putin Xerson viloyatiga birinchi marta tashrif buyurdi. Avvalroq u mart oyida Mariupolga borgandi.
Ma’lum qilinishicha, Putin Xersonga vertolyotda borgan, shundan so‘ng u mashinada bir necha tumanlarni aylanib chiqqan.
Ushbu tashrif bugunga qadar sir tutildi. Kreml matbuot kotibi Dmitriy Peskov Putinning bu safari dastlab rejalashtirilmagani va o‘z-o‘zidan sodir bo‘lganini aytdi.
“Zamin” yangiliklarini “Telegram”da kuzatib boring 
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
