Foto: Ukraina prezidenti matbuot xizmati
Ukraina prezidenti Vladimir Zelenskiy urush boshlanganidan buyon bosqinchilar qo‘liga tushib qolmaslik uchun shaxsiy pistoletga ega bo‘lganini aytdi. Bu haqda u “Rik.za Kadrom” loyihasiga bergan intervyusida xabar berdi.
Jurnalist Ukraina prezidentiga urushning dastlabki kunlari bilan bog‘liq savol bilan murojaat qildi. Zelenskiy shu zahotiyoq oxirigacha kurashishga tayyor bo‘lgani va o‘zini himoya qilish uchun unga qurol berilganini ta’kidladi.
Ukraina prezidenti hech kim uni asirga ololmagani, chunki Bankova ko‘chasining himoyasi (prezident ma’muriyati joylashgan ko‘cha) eng mayda detallargacha o‘ylangani, u yerga zudlik bilan qurol-yarog‘lar bo‘lgan qutilar keltirilganini aytdi.
“Menda pistolet bor, otishim mumkin. Ukraina prezidenti ruslarning asirligida bo‘lishini tasavvur qilolasizmi? Men uchun bu uyat”, — deydi Zelenskiy.
Shu bilan birga, u doimo davlat rahbarini nishon deb hisoblash mumkin emasligi, lekin xavfsizlik lahzalar borligini tushunish kerakligini bildirdi. Zelenskiy qurolni o‘ziga o‘q uzish uchun emas, o‘zini himoya qilish uchun olib yurishini qo‘shimcha qildi.
Vladimir Zelenskiyga suiqasd urinishlari: urush paytida ularning soni qancha edi?
2023 yil yanvar oyida amerikalik publitsist Kris Uipplning kitobi nashr etildi. Unda Zelenskiy urush boshlanganidan buyon 12 dan ortiq suiqasddan omon qolgani ta’kidlanadi. Bunday ma’lumotlar tarmoqda Amerika razvedka agentligi rahbari Uilyam Bernsning Ukraina poytaxtiga tashrifidan keyin paydo bo‘lgan.
Kitobda aytilishicha, amerikaliklarning mehnati tufayli kamida ikkita suiqasdning oldi olingan.
2022 yilning mart oyida The Times gazetasi Ukraina razvedka xizmatlari bir hafta ichida Zelenskiyga uch marta suiqasd uyushtirilishining oldini olganini yozgandi. Ushbu operatsiyani “Vagner” askarlari va Chechenistonning maxsus kuchlari tayyorlagani aytilgan.
2022 yil 9 mart kuni Ukraina prezidenti ofisi rahbari maslahatchisi Mixail Podolyak ham shu mavzuda ma’ruza qilgan. O‘shanda ham u davlat rahbariga o‘ndan ortiq suiqasd urinishlarni hisoblagan.
“Chunki biz doimiy ravishda hukumat kvartaliga kirishni xohlaydigan sabotaj va razvedka guruhlari borligi haqida tezkor ma’lumotlarga egamiz. Bizda juda kuchli razvedka va kontrrazvedka tarmog‘i bor, ular hammasini kuzatib boradi va barcha guruhlar yo‘q qilinadi. Biz barcha rejalarni tushunamiz, ularga muvofiq kontrrazvedkamizni ishlab chiqamiz”, — degan Mixail Podolyak.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Prezident Mirziyoyev Moskva paradidagi ishtirokidan so‘ng Toshkentga qaytdi
AQSHda 9 yoshli bola millionerni uysiz deb o‘ylab, unga bor puli — 1 dollarini berdi
AQSHda Tramp tarafdorlari Vakillar palatasi spikerini lavozimidan chetlata olmadi
Tadqiqot: dasturxon ustida taomga muntazam tuz qo‘shib yeyish oshqozon saratoni xavfini kuchaytiradi
Moskvada O‘zbekiston va Rossiya prezidentlari uchrashuvi bo‘lib o‘tdi
Rossiyalik xakerlar Putin tabrigini Ukraina saytlariga joylashtirdi
Yevropa chempionlar ligasi, "Bavariya" va hakamlar...
Qarish jarayonini tezlashtirib yuboradigan 5 ta mahsulot
