Foto: Getty Images
Rossiya Mudofaa vazirligi Ukrainada ikki yuqori martabali ofitser halok bo‘lganini tan oldi. Polkovnik Vyacheslav Makarov va Yevgeniy Brovkoning o‘limi haqida 14 may, yakshanba kuni idora matbuot xizmati xabar berdi.
4-motoo‘qchilar brigadasi komandiri Vyacheslav Makarov va armiya korpusi komandirining harbiy-siyosiy ishlar bo‘yicha o‘rinbosari polkovnik Yevgeniy Brovko mos ravishda "dushman hujumlarini qaytarishning boshqa sektorida" oldingi safda bo‘lishgan, deya ma’lum qildi Rossiya Mudofaa vazirligi.
Unga ko‘ra, Makarov Ukraina Qurolli kuchlari hujumini aks ettirish vaqtida og‘ir yaralangan va jang maydonidan evakuatsiya qilishda halok bo‘lgan. Brovko ham jang paytida “ko‘plab jarohatlar olib, halok bo‘ldi”, deya bildirdi vazirlik.
Ikkala polkovnik ham frontda Soledar va Baxmut yo‘nalishida halok bo‘ldilar.
Shu bilan birga, vazirlikning ta’kidlashicha, bu yo‘nalishda "Ukraina Qurolli kuchlari bo‘linmalarining barcha hujumlari qaytarilgan, Rossiya qo‘shinlari mudofaasini yorib o‘tish bo‘yicha hech qanday yutuqlarga yo‘l qo‘yilmagan".
"Vagner" xususiy harbiy kompaniyasi asoschisi Yevgeniy Prigojin 12 may kuni Baxmut yaqinidagi vaziyatni "Mudofaa vazirligi bo‘linmalarining qanotlardan qochishi" deb atadi. Uning so‘zlariga ko‘ra, "qanotlar qulab tushmoqda, front parchalanmoqda". Bundan tashqari, Chasov Yardan Baxmutgacha bo‘lgan yo‘l Ukraina Qurolli kuchlari harakati uchun mutlaqo ozod qilingan, deya qo‘shimcha qildi u.
“Zamin” yangiliklarini “Telegram”da kuzatib boring 
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
