Foto: Skrinshot
Donetsk viloyatining Drujkovka shahri sudi Qozog‘istonning 23 yoshli fuqarosi Shingis Seypiyevni Rossiya tomonidan urushga yollanishda ayblab, 9 yilga ozodlikdan mahrum qildi, deb xabar bermoqda “Grati” nashri.
Sud ma’lumotlariga ko‘ra, 2022 yil oktyabr oyida Seypiyev Rossiyaning Tyumen shahridagi 2-sonli axloq tuzatish koloniyasida jazo o‘tayotib, Ukrainadagi urushga jo‘natish uchun “Vagner” xususiy harbiy kompaniyasi tomonidan yollangan. Avvaliga u Rostov viloyatidagi o‘quv lagerida harbiy tayyorgarlikdan o‘tgan, so‘ngra dekabr oyida anneksiya qilingan Lugansk xalq respublikasiga borgan. 24 dekabrda Seypiyev Baxmutning Yakovlevka qishlog‘iga jo‘natilgan, u yerda bir hafta o‘tgach, 30 dekabr kuni Ukraina Qurolli kuchlari tomonidan asirga olingan.
Ukraina xavfsizlik xizmati ma’lumotlariga ko‘ra, Seypiyev Rossiyada zo‘rlashda ayblanib, o‘n yillik qamoq jazosini o‘tayotgan edi. “Glavkom” nashriga bergan intervyusida uning o‘zi mast holda janjal qilib do‘stini o‘ldirib qo‘ygani uchun Tyumen koloniyasiga tushganini aytdi.
Seypiyevning so‘zlariga ko‘ra, u ikki yil jazo o‘tagan va qolgan muddatini Rossiya koloniyasida o‘tkazishni istamagani uchun “Vagner” tarkibida urushga borishga rozi bo‘lgan. “Uyga tezroq qaytishni o‘ylagandim”, — deydi u intervyusida.
Tergov davomida Seypiyev o‘z aybiga iqror bo‘lgan, afv so‘ragan va Ukraina prokuraturasi bilan boshqa jinoyatlarni ochishda hamkorlik qilishga kelishgan. Buning evaziga u yollanish (Ukraina Jinoyat kodeksida besh yildan o‘n yilgacha ozodlikdan mahrum qilishni nazarda tutadi) moddasi bo‘yicha maksimal muddatdan kamroq yilga koloniyaga hukm qilindi.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lionel Messi o‘z prodyuserlik kompaniyasiga asos soldi
Tramp Zelenskiyning AQSHga tashrifi chog‘ida u bilan uchrashishdan bosh tortdi
Kuniga nechta olma yeyish mumkin? Ommabop mevaning zararli xususiyatlari
Xitoy mamlakatlarni jungli qonunidan voz kechishga chaqirdi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Shvetsiya Eronni Qur’on yoqib yuborilgani uchun qasos olganlikda ayblamoqda
“O‘zbekiston go‘zali”: “Uning shartiga ko‘nsam, Lamborghini olib berishini aytgan”
Hindiston BMTni isloh qilishga chaqirdi
