O‘zbekiston Buyuk Britaniyadagi mehnat migrantlari soni bo‘yicha yetakchilar qatoriga kirdi

Markaziy Osiyo davlatlari Buyuk Britaniyadagi mavsumiy ishchilarning asosiy manbalari qatoriga kirdi, deya xabar beradi SIA.

2022 yilda Buyuk Britaniya hukumati O‘zbekiston va Qirg‘izistondan kelgan muhojirlarga 6000 dan ortiq mehnat vizasi bergan, bu ularning umumiy sonining deyarli to‘rtdan bir qismidir. Bu yil Markaziy Osiyo davlatlaridan kelgan muhojirlar soni yanada ortishi mumkin.

Buyuk Britaniyadagi mavsumiy mehnat muhojirlari soni bo‘yicha O‘zbekiston Ukrainadan keyin ikkinchi o‘rinni egalladi. Qirg‘iziston esa to‘rtinchi o‘rinda qayd etildi.

May oyi oxirida Britaniya Ichki ishlar vazirligining Mehnat ekspluatatsiyasi bilan kurash boshqarmasi (GLAA) har ikki davlat mehnat migratsiyasi organlari bilan kelishuvga erishdi. Tomonlar Buyuk Britaniyaga kelayotgan mavsumiy ishchilar haqida ma’lumot almashishga kelishib oldi.

Shuningdek, barcha mamlakatlarning rasmiy organlari qabul qiluvchi va jo‘natuvchi tomonidan barcha zarur tartib-qoidalar va ishchilar yuborilganda ularning huquqlariga rioya etilishini nazorat qiladi. GLAA strategiyasi direktori Derril Dikson imzolangan kelishuvlarni «tarixiy» deb atadi.

«Biz 2022 yilda O‘zbekiston va Qirg‘izistondan Buyuk Britaniyaga kelayotgan mavsumiy ishchilar soni keskin oshganini qayd etdik. Bizning ma’lumotlarimiz shuni ko‘rsatadiki, bu kelgusi yillarda faqat oshadi», dedi Dikson.

O'zbekiston yangiliklari Yangiliklar