Kelib chiqishi pokistonlik bo‘lgan Dilovar Sayyid Senat tomonidan Kichik biznes administratsiyasi vitse-prezidenti lavozimiga tasdiqlandi. Shu tariqa u Vashington hukumatidagi eng yuqori martabali musulmonga aylandi.
AQSH Davlat departamentining Savdo aloqalari bo‘yicha maxsus vakili Dilovar Sayyid ushbu lavozimga senatorlarning 54 ovozi bilan ma’qullandi.
Merilend shtatidan demokrat senator, Senatning Kichik biznes va tadbirkorlik qo‘mitasi raisi Ben Kardin ovoz berishdan oldin qilgan bayonotida ushbu lavozim AQSHning ikki prezidenti davrida jami 5 yil davomida bo‘sh turganini ta’kidlar ekan, “Buni hal etish vaqti keldi”, dedi.
Sayyid AQSH prezidenti Jo Bayden tomonidan 2021 yil mart oyida mazkur lavozimga nomzod qilib ko‘rsatilgan, biroq Senatdagi respublikachilar tomonidan Kichik biznes administratsiyasining abort qilish bilan shug‘ullanuvchi korxonalarni moliyaviy qo‘llab-quvvatlashi va boshqa sabablarni ro‘kach qilib, musulmon kishi nomzodini ovozga qo‘yilishiga bir necha bor to‘sqinlik qilishgan edi.
Bu vaqt ichida demokratlar respublikachilarning musulmonlarga qarshi kayfiyatiga ommaning e’tiborini tortdi hamda musulmon va yahudiy nodavlat tashkilotlarining o‘z e’tirozlarini bayon etishlari uchun zamin yaratdi.
Prezident Jo Bayden shu yil boshida Sayyid nomzodini Senatda qaytadan ovozga qo‘ygandi.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kuniga nechta olma yeyish mumkin? Ommabop mevaning zararli xususiyatlari
Dunyodagi eng baxtli shaharlar reytingi e’lon qilindi
Xitoy qit’alararo ballistik raketani ilk bor ommaviy sinovdan o‘tkazdi
Hindiston BMTni isloh qilishga chaqirdi
Tramp Eron tomonidan o‘lim tahdidi haqida ogohlantirildi
Tramp: Rossiya Gitler va Napoleonni mag‘lub etgan, Moskva mag‘lubiyatini kutishning hojati yo‘q
O‘zbekiston Turkmaniston va Turkiya bilan mudofaa sohasida hamkorlik qiladi
Diyetolog qanday qilib non iste’mol qilmasdan qisqa vaqtda ozish mumkinligini aytdi
