Foto: Suspіlne
Ukraina Rossiyani o‘z hududidan haydab chiqarish uchun qancha kerak bo‘lsa, shuncha qarshi hujumni amalga oshiradi. Bu haqda Ukraina tashqi ishlar vaziri Dmitriy Kuleba aytib o‘tdi.
Jurnalist Kulebaga Amerikaning Abrams tanklari ushbu qarshi hujum kampaniyasida ishtirok etadimi, degan savolni berdi.
«Umid bor, lekin biz faqat bu qarshi hujum haqida o‘ylamasligimiz kerak. Men sheriklar bilan muloqotda buni doimo ta’kidlayman: biz bu qarshi hujumga oxirgi va hal qiluvchi hujum sifatida qaramasligimiz kerak. Rossiyani haydab chiqarish uchun qancha kerak bo‘lsa, shuncha qarshi hujum bo‘ladi», dedi u.
Kulebaning ta’kidlashicha, ba’zi texnikalar hamkorlardan endi yetib kelmoqda, ba’zilari yetkazib berish «jarayonida».
«Shuning uchun biz hozir ishlayapmiz, lekin shuni yodda tutamizki, keyingi hujumlar uchun tanklar, bronetransportyorlar va boshqa texnikalar ham kerak bo‘ladi. Agar biz bu qarshi hujumda Ukrainani ozod qilsak, Xudoga shukrona keltiramiz, barchaga rahmat aytamiz. Ammo urush shunday narsaki, ikki-uch qadam oldinga o‘ylash kerak», dedi Kuleba.
Shuningdek, u agar Ukraina qarshi hujumda muvaffaqiyatga erishmasa, hamkorlar harbiy yordamni to‘xtatishga ishora qilmaganini ta’kidladi.
«Ammo har bir mamlakatda qiyinchilik bor: qayerdadir saylovlar yaqinlashmoqda, qayerdadir omborlarda Ukrainaga berilishi kerak bo‘lgan bombalar tugab qolgan, zavodlarda esa yangisini ishlab chiqarishga ulgurmayapti», dedi Kuleba.
Rossiya bilan muzokaralarga undash bo‘yicha bosim haqidagi savolga javob berarkan, Kuleba Rossiya qo‘shinlari Ukraina hududidan olib chiqib ketilganidan keyin muzokaralar olib borish mumkinligini ta’kidladi.
Rossiya va Ukraina urushi
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy qit’alararo ballistik raketani ilk bor ommaviy sinovdan o‘tkazdi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Shvetsiya Eronni Qur’on yoqib yuborilgani uchun qasos olganlikda ayblamoqda
Hindiston BMTni isloh qilishga chaqirdi
Diyetolog qanday qilib non iste’mol qilmasdan qisqa vaqtda ozish mumkinligini aytdi
Tramp Zelenskiyning AQSHga tashrifi chog‘ida u bilan uchrashishdan bosh tortdi
Tramp: Rossiya Gitler va Napoleonni mag‘lub etgan, Moskva mag‘lubiyatini kutishning hojati yo‘q
Kuniga nechta olma yeyish mumkin? Ommabop mevaning zararli xususiyatlari
