Germaniyaning bir shahrida sobiq suriyalik qochqin shahar meri sifatida qasamyod qildi. Nemis munitsipaliteti birinchi marta mamlakatga qochqin sifatida kelgan kishiga ovoz berdi.
Juma kuni kechqurun munitsipal kengash majlisida sobiq suriyalik qochqin Rayyon Alshibl Shtutgart shahridan 30 kilometr uzoqlikdagi Ostelsxaym shaharchasi meri sifatida qasamyod qildi.
Bu qaror shaharning 2500 kishidan iborat shvab hamjamiyatining fuqarolari uni aprel oyida 55,4 foiz, aniq ko‘pchilik ovoz bilan shahar meriyasining yangi rahbari etib saylaganidan keyin qilingan.
Alshibl 21 yoshida Suriyadagi fuqarolar urushi paytida bir guruh do‘stlari bilan Suriyadan qochib, O‘rta dengiz orqali Germaniyaga kelgan edi.
U yerda, Germaniyaning Deutsche Welle (DW) nashri xabariga ko‘ra, Suriyada bank va moliya sohasida tahsil olgan Alshibl nemis tilini o‘rgangan va Ostelxaym yaqinidagi Altengshtetta shahar hokimiyatida amaliyot o‘tagan.
Keyin u Ostelxaym merligiga nomzod bo‘lishidan oldin ushbu mahalliy kengashda ishlagan va Germaniya fuqaroligini olgan.
Germaniyadagi Rayyon Alshibldan oldin hech qachon qochqin shahar merligiga saylanmagan.
Xabar qilinishicha, sobiq qochqin bo‘lgan meri aprel oyida Reuters axborot agentligiga “Germaniya ozod mamlakat. Kimki bu yerda biror narsa qilishga harakat qilsa, uning imkoniyatiga ega bo‘lishi mumkin", deb aytgan.
“Zamin” yangiliklarini “Youtube”da kuzatib boring
