Zelenskiy: «Prigojinning o‘limiga Ukrainaning aloqasi yo‘q»

^{Foto: Telegram / Volodimir Zelenskiy}
Ukraina prezidenti Volodimir Zelenskiy ilk marta «Vagner» XHK asoschisi Yevgeniy Prigojinnig o‘limiga munosabat bildirdi.

Uning so‘zlariga ko‘ra, Ukrainaning Tverdagi aviahalokatga hech qanday aloqasi yo‘q. «Biz dunyo davlatlariga samolyot so‘rab murojaat qilganimizda buni nazarda tutmagandik. Vaholanki, bu ham [bizga] qaysidir ma’noda yordam beradi. Anig‘i shuki, bizning bunga aloqamiz yo‘q. Kimning aloqasi borligini hamma biladi», dedi Ukraina yetakchisi katta ehtimol bilan Vladimir Putinga ishora qilib.

Rossiyaning Tver oblastida qulagan samolyot aynan «Vagner» asoschisi Prigojinga tegishli bo‘lgan. «Rosaviatsiya» ma’lumotiga ko‘ra, samolyotda ro‘yxatdan o‘tganlar ichida Prigojin ham bo‘lgan. Rus nashrlari o‘likxonada Prigojinning jasadi aniqlangani haqida yozishmoqda. Ammo uning o‘limi haqida rasman e’lon qilingani yo‘q.

Шухрат Раззаков

«ZAMIN.UZ» muharriri