Isroil armiyasi jangovar harakatlarni to‘rt soatga to‘xtatdi

^{Foto: AP}

Isroil mudofaa kuchlari gumanitar maqsadlarda Misr bilan chegaraga yaqin G‘azo sektori janubidagi Rafah shahrida harbiy harakatlarni 4 soatga to‘xtatdi. Bu haqda Isroil armiyasi matbuot kotibi Avixay Edri ma’lum qildi.

G‘azo sektorining shimoliy hududlari aholisini evakuatsiya qilish uchun gumanitar yo‘lak mahalliy vaqt bilan soat 9:00 dan 16:00 gacha ishlashini aytib o‘tdi.

10 noyabr kuni Isroil G‘azo sektorining shimolidan janubigacha ikkita gumanitar yo‘lak ochishga, shuningdek, harbiy amaliyotlarda har kuni to‘rt soatlik tanaffus qilishga rozi bo‘lgani haqida xabar berilgandi.

AQSH Milliy xavfsizlik kengashi vakili Jon Kirbi bu qarorni muhim qadam deb hisoblashini aytib o‘tgan.