Foto: MTRK «Mir» / Dmitriy Belitskiy
Boliviya Respublikasi prezidenti Luis Arse mamlakat tarixidagi eng yirik kokain jo‘natmasining (8,7 tonna) musodara qilingani haqida gapirdi. Unga ko‘ra, musodara qilingan giyohvandlik moddasining qiymati 526 million dollarga baholanmoqda.
«Biz Boliviya xalqi va xalqaro hamjamiyatga Niderlandiyaga jo‘natilmoqchi bo‘lgan 8,7 tonna kokainni musodara etganimizni ma’lum qilamiz», deb yozdi davlat rahbari ijtimoiy tarmoqda.
Huquq-tartibot idoralari to‘rt kishini, jumladan, yukni jo‘natmoqchi bo‘lgan kompaniya egasini qo‘lga olgan.
Boliviya Ichki ishlar vazirligi rahbari Karlos del Kastilyo so‘zlariga ko‘ra, jinoyatchilar yukni Peru va Panama orqali Yevropaga jo‘natmoqchi bo‘lgan.
Tarixdagi eng yirik kokain partiyasi 2021 yilda musodara qilingan. Germaniya va Belgiya bojxonachilari 23 tonnadan ortiq giyohvandlik moddasini Hamburg va Antverpen portida qo‘lga tushirishgan edi. Ularning barchasi bir shaxs uchun mo‘ljallangan bo‘lib, konteyner va yog‘och bloklar orasiga yashirilgan. Kokainning qiymati 3,5 mlrd yevroga baholangan.
“Zamin” yangiliklarini “Telegram”da kuzatib boring 
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kanada AQSh bilan ehtimoliy savdo urushiga tayyorgarlikni boshladi
Los-Anjelesdagi yongʻinning kosmosdan koʻrinishi
Ukrainaning 2025 yilga moʻljallangan harbiy maqsadlari ma'lum qilindi
Rossiya elchisi: “AQSh Grenlandiyada yadroviy qurolli samolyotlar uchun infratuzilma yaratmoqda”
Los-Anjelesdagi yirik yongʻinlarga sabab boʻlgan gumonlanuvchi qoʻlga olindi
Daniya Trampning Grenlandiya bilan bogʻliq niyatlari jiddiyligi haqida ogohlantirildi
Litva prezidenti Kaliningradni mamlakatning tarixiy qismi deb atadi
Kurskda qora niqob taqqan 16 yoshli oʻsmir maktabga bostirib kirdi
