20 yanvar. Qizil imperiya sodir etgan qirg‘in...

1 daqiqa o'qish641
20 yanvar. Qizil imperiya sodir etgan qirg‘in...

Ozarbayjonda mamlakat ozodligi yo‘lida jonini fido qilgan qahramonlar yodga olinmoqda. Bundan 34 yil avval umrining so‘nggi oylarini yashayotgan qizil imperiya jon talvasasida yana bir qirg‘inni amalga oshirgan edi.

20 yanvar – Umumxalq motam kuni munosabati bilan Ozarbayjon prezidenti Ilhom Aliyev hamda mamlakat birinchi xonimi Mehribon Aliyeva Boku shahridagi Shahidlar xiyoboniga tashrif buyurdi va marhumlarga hurmat bajo etdi.

1990 yil 20 yanvarga o‘tar kechasi Ozarbayjon poytaxtiga sovet armiyasi jangovar qismlari kiritiladi. Harbiylar agressiyaga qarshi namoyishga chiqqan minglab ozarbayjonliklarni shafqatsiz jazolaydi. Tinch namoyishchilar tank, pulemyot va avtomatlardan o‘qqa tutiladi.

Ozarbayjon tashqi ishlar vazirligi bayonotida qayd etilishicha, o‘sha mash’um tunda milliy-ozodlik harakatini bostirish maqsadini ko‘zlagan sovet armiyasi bo‘linmalari Boku, Sumgait, Lenkoran va Neftchala shaharlarida tinch aholi vakillari – bolalar, xotin-qizlar va qariyalarni qirg‘in qilgan. 150 kishi o‘ldirilgan, 744 kishi jarohatlangan va 4 kishi bedarak yo‘qolgan.

Fojianing ertasi kuni mamlakat yetakchisi Haydar Aliyev Moskvadan aybdorlarni jazolashni talab qilgan va SSSR Kommunistik partiyasi safidan chiqqanini e’lon qilgan. Shu tariqa sho‘ro hokimiyatining qirg‘inni jahon hamjamiyatidan yashirishga urinishi yo‘qqa chiqqan.

«20 yanvar fojiasi Ozarbayjon milliy o‘zligining shakllanishiga taqdirulamal ta’sir ko‘rsatgan va mustaqil Ozarbayjon davlatchiligini tiklashda burilish yasagan. 34 yil avval sovet tuzumining harbiy, siyosiy va ma’naviy bosqiniga duchor bo‘lgan Ozarbayjon xalqi o‘zining ozodlik uchun kurashdek tarixiy an’anasiga sadoqat ko‘rsata bilgan», – deyiladi TIV bayonotida.

Ta’kidlanishicha, Qorabog‘ hududida milliy nizoning avj olishi, yuz minglab ozarbayjonliklar badarg‘a qilinishi va boshqa adolatsizlar ortidan mamlakatda milliy-ozodlik harakatining yangi to‘lqini yuzaga kelgan.

Ozarbayjon davlat agentligi e’lon qilgan maqolada 20 yanvar hodisalari batafsil bayon qilingan.

Fojia qurbonlari  dafn etilgan maskanda keyinchalik Shahidlar xiyoboni bunyod etilgan. 2000 yilda Ozarbayjon prezidenti farmoni bilan halok bo‘lganlarga «20 yanvar shahidi» faxriy unvoni berilgan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?