Dunyoda eng ko‘p qo‘llaniladigan parollar aniqlandi

1 daqiqa o'qish0
Dunyoda eng ko‘p qo‘llaniladigan parollar aniqlandi

Dunyoda eng ko‘p uchraydigan parol yana “123456” bo‘ldi. “Admin” va “12345678” ham eng keng tarqalgan parollar qatorida qoldi. Bu haqda NordPass kompaniyasining 2026 yilgi tadqiqotida ma’lum qilindi.

Tadqiqot NordPass va NordLayer Intelligence hamkorligida, kiberxavfsizlik bo‘yicha mustaqil mutaxassislar ko‘magida o‘tkazilgan. Unda 2025 yil sentyabridan 2026 yil sentyabrigacha ochiq ma’lumotlar sizib chiqishi va darknet bazalarida tarqalgan parollar tahlil qilingan. Tadqiqot 44 mamlakatdagi parol tendensiyalarini qamrab olgan.

Hisobotga ko‘ra, “123456” NordPass reytingining sakkizta nashridan yettitasida eng ko‘p uchragan parol sifatida birinchi o‘rinni egallagan. Bu yilgi reytingda ham kuchli uchlik o‘zgarmagan: “123456” birinchi, “admin” ikkinchi, “12345678” esa uchinchi o‘rinda qayd etilgan.

Shuningdek, “1234” ilk bor kuchli beshlikka kirgan, “password” esa yettinchi o‘ringa tushgan.

Tadqiqotchilar parol tanlashda ommaviy madaniyat ham ta’sir ko‘rsatishini aniqlagan. Sportchilar, musiqachilar, videoo‘yinlar, anime va ijtimoiy tarmoqlar nomlari parollarda ko‘p uchraydi. Masalan, “Lebron0319”, “Savage20”, “roblox.com1” va “skibiditoilet” kabi kombinatsiyalar qayd etilgan.

COVID-19 pandemiyasi ham foydalanuvchilarning parol tanlashiga ta’sir ko‘rsatgan. “Covid@19”, “Covid-19” va “corona2020” kabi kombinatsiyalar ro‘yxatga kiritilgan. Tadqiqotda 2020 yil fevraldan oktyabrgacha foydalanuvchilardagi parollarning o‘rtacha soni 25 foizga oshgani ham qayd etilgan.

NordPass mutaxassislari kamida 15 belgidan iborat murakkab parollardan foydalanishni tavsiya qilmoqda. Bunday parollar katta va kichik harflar, raqamlar hamda maxsus belgilarni o‘z ichiga olishi kerak. Shuningdek, har bir akkaunt uchun alohida parol tanlash va ko‘p bosqichli autentifikatsiyani yoqish tavsiya etiladi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?