Buyuk Britaniyada 285 yillik limon auksionda 1800 dollarga sotildi

^{Foto: Brettells}
Angliyaning Nyuport shahridagi Brettells auksionida 285 yillik limon qariyb 1800 dollarga sotildi. Bu haqda “Pravila jizni” xabar bermoqda.

Aylanasi besh santimetr bo‘lgan meva XIX asrga oid Xitoy sandig‘ining pastki tortmasidan topilgan. Unda “Janob P. Lou Franchini tomonidan 1739 yil 4 noyabrda Miss E. Baksterga sovg‘a qilingan”, deb yozilgan.

^{Foto: Brettells}
“Menimcha, bu Hindistondan olib kelingan oshiqning sovg‘asi”, — deydi auksion uyi rahbari Devid Brattell.

Dastlab lot 50–75 dollarga baholangan. Qizig‘i shundaki, limon topilgan sandiqning o‘zi kimoshdi savdosida atigi 40 dollarga taklif qilingan.

^{Foto: Brettells}
Sandiqning bo‘yi 34 santimetrni tashkil qiladi, shunga qaramay, oltita tortma va pastki qismdan iborat. “Zamin”ni Telegramʻda oʻqing!